Mvita​—Mona tshienza Bukalenge bua Nzambi

Pa buloba bujima, mvita idi itungunuka ne kubutulangana bikole, kukebesha kanyinganyinga ka bungi, ne makenga a bungi. Ke tshidi luapolo idi ilonda eyi ileja:

• “Tshidimu tshishale, mvita mmishipeshe bantu ba bungi nangananga mu ditunga dia Etshiopi ne dia Ukraine kupita tshidimu kayi tshikuabu tshionso katshia ku 1994.”​—Institut de recherche sur la paix à Oslo, 7/6/2023.

• “Mvita ya mu Ukraine ivua imue ya ku mvita mibi menemene ivua mienzeke mu 2022. Tshikisu tshia bena malu a tshididi tshivua tshivule bia pa lukama 27 pa buloba bujima tshidimu tshishale. Badi batshinka ne: bantu muliyare 1.7 bavua bakenge bua malu au.”​—The Armed Conflict Location & Event Data Project (ACLED), 8/2/2023.

Bible udi utupesha ditekemena. Udi wamba ne: “Nzambi wa mu diulu neajadike bukalenge bukuabu buikala kabuyi mua kubutudibua nansha kakese.” (Danyele 2:44) Mu Bukalenge abu, anyi mbulamatadi au, Nzambi ‘neajikije mvita pa buloba buonso bujima.’​—Misambu 46:9.