Tshipupu tshia bunkaya: Mmunyi muudi mua kupita natshi bimpe?

• “Bantu bakole bipatshile ku tshia bibidi tshia bantu ba mu États-Unis ne bansonga bapite bungi badi bamba mudibu bumvua bunkaya.”​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023 [Tshipupu tshia bunkaya ne diditola: luapolo lua malu a makanda a mubidi pa bidi bitangila buimpe bua mua kusomba ne bantu].

• “[Bulongolodi budi butangila malu a makanda a mubidi pa buloba] mbumayishe ne: mbateke tshisumbu tshia bantu bua kuikala kutangila ne lukasa bantu badi ne lutatu lua kumvua bunkaya, bua kubakankamija bua bikale basomba ne bakuabu. Mbabateke kabidi bua kukeba mishindu mimpe ya kujikija lutatu lua diumvua bunkaya mu matunga onso nansha muomu muikale bupele.”​—Bulongolodi budi butangila malu a makanda a mubidi pa buloba, 15/11/2023.

Bible udi upesha bantu mibelu mimpe ya mua kusomba ne bakuabu bua kabikadi bumvua bunkaya to.

Mêyi manene a mu Bible adi ambuluisha

Kepesha malu adi mua kukupangisha bua kusomba ne bakuabu. Mu malu au mudi kupitshisha dîba dia bungi ku enternete. Kadi ikala ukeba mpunga ya kuyukila ne bantu mpala ne mpala, ne kudia nabu bulunda.

• Dîyi dinene dia mu Bible: “Mulunda mulelela udi uleja dinanga mu bikondo bionso ne yeye mmuanetu udi muledibue bua bikondo bia dikenga.”​—Nsumuinu 17:17.

Keba mpunga ya kuambuluisha bakuabu. Kuenzela bakuabu malu mimpe kudi kukolesha bulunda, kuambuluisha bua kuikala ne disanka.

• Dîyi dinene dia mu Bible: “Disanka dia kufila ndipite dia kuangata”​—Bienzedi 20:35.

Buela mu jw.org bua kumanya malu mimpe a mu Bible a mua kudia bulunda buimpe.