Bible mmukanda udi ne meji a bantu anyi?
Diandamuna dia mu Bible
Batu babikila kabidi Bible ne: mMifundu minsantu; mu mukanda eu mudi mêyi a meji a bungi. Nansha nanku, mona tshidiye yeye muine wamba bua malu adimu: “Dîyi dionso didi mu Mifundu ndifundisha kudi Nzambi ku bukole bua nyuma wende.” (2 Timote 3:16) Kudi malu a bungi adi ajadika ne: mêyi aa mmalelela. Mona amue a kudiwu:
Kakuena muntu ukadi mukokeshe bua kufila bijadiki bua kuleja ne: malu a kale adi Bible wamba ki mmajalame to.
Bantu bavua bafunde Bible bavua bambi ba bulelela, bakafunda malu ne muoyo wabu wonso. Kuamba kuabu kua bulelela ke kudi kuenze bua malu avuabu bafunde au umvuike bimpe ne: mmalelela.
Bible udi wakula bua bualu bunene bumue: dibingisha dia bukenji bua Nzambi bua kukokesha bukua bantu ne dikumbaja dia malu adiye mulongolole ku diambuluisha dia Bukalenge buende bua mu diulu.
Nansha muvuabu bafunde Bible kukadi bidimu binunu ne binunu, mu Bible kamuena ngenyi ya dishima ya mamanya a bia panu ivua bantu ba bungi ba tshiena kale bitaba to.
Bijadiki bia malu a kale bidi bitushindikila ne: mêyi a buprofete anyi malu onso akavua Bible mumanyishe mmakumbane.