Nzambi mbusatu bunsantu anyi?

Diandamuna dia mu Bible

Bitendelelu bia bungi bia bukua buena Kristo bitu bilongesha ne: Nzambi mbusatu bunsantu. Kadi mona tshidi tshibungu tshikuabu tshileja: “Tshiambilu tshia busatu bunsantu nansha dilongesha dia busatu bunsantu katshitu mu Dipungila Dipiadipia to . . . Dilongesha edi diakatangalaka ku kakese ku kakese mu kupita kua bidimu nkama ya bungi ne bantu bavule badi ne mmuenenu mishilashilangane.” (Encyclopædia Britannica)

Bushuwa, Bible kena wamba muaba nansha umue ne: Nzambi mbusatu bunsantu to. Kadi udi wamba ne:

“Yehowa Nzambi wetu udi Yehowa umue.”​—Dutelonome 6:4.

“Wewe, udi ne dîna dia Yehowa, wewe nkayebe ke Mutambe Bunene pa mutu pa buloba bujima.”​—Misambu 83:18.

“Bualu ebu budi bumvuija muoyo wa tshiendelele: bende bakumanya wewe, Nzambi umuepele mulelela, ne yeye uuvua mutume, Yezu Kristo.”​—Yone 17:3.

“Nzambi udi anu umue.”​—Galatiya 3:20.

Bua tshinyi bitendelelu bia bungi bia bukua buena Kristo bitu bilongesha ne: Nzambi mbusatu bunsantu?