Nzambi utu umvua mutu bantu bumvua anyi?

Diandamuna dia mu Bible

Nzambi udi wenza mudimu ne bukole buende budi kabuyi kufuanyikija bua kufuka bionso bidi mu tshibuashibuashi. Bible udi wakula bua bufuki bua mitoto miliyare ne miliyare ne: “Bandishayi mêsu enu mu diulu, numone. Udi mufuke bintu ebi nnganyi? Nyeye udi upatula musumba wabi ku bungi buabi; udi ubibikila bionso ku dîna diabi. Bua ngulu yende ne bukole buende bua dikema, kakuena nansha tshimue tshidi tshipangike.”​—Yeshaya 40:25, 26.

Nzambi udi anu ne bukole bua dikema patupu anyi? Tòo. Bible udi uleja ne: Nzambi pende utu umvua mutu bantu bumvua. Utu unangangana ne ukinangana. (Misambu 11:5; Yone 3:16) Bible udi uleja kabidi ne: malu adi bantu benza adi mua kunyingalaja Nzambi.​—Misambu 78:40, 41.