TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • ijwbq tshiena-bualu 74
  • Nomba wa 666 udi umvuija tshinyi?

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Nomba wa 666 udi umvuija tshinyi?
  • Mandamuna a nkonko ya mu Bible
  • Tumitu tua bualu
  • Bintu bia muomumue
  • Diandamuna dia mu Bible
  • Diumvuija dia tshidi nyama wa luonji ne tshimanyinu tshiende
    Tshibumba tshia Nsentedi tshidi tshimanyisha Bukalenge bua Yehowa—2004
  • 666 ki nshinga patupu to
    Tshibumba tshia Nsentedi tshidi tshimanyisha Bukalenge bua Yehowa—2004
  • Diluangana ne nyama ibidi ya luonji
    Buakabuluibua—Nkomenu wabu munene ukadi pabuipi!
  • Tshidi mukanda wa Buakabuluibua wamba bua bena lukuna ba Nzambi
    Tshibumba tshia Nsentedi tshidi tshimanyisha Bukalenge bua Yehowa (Tshia kulonga)—2022
Tangila bikuabu
Mandamuna a nkonko ya mu Bible
ijwbq tshiena-bualu 74
Nyama wa luonji wa mitu muanda mutekete ne nsengu dikumi muikale ne nomba anyi dîna dia 666.

Nomba wa 666 udi umvuija tshinyi?

Diandamuna dia mu Bible

Bilondeshile mukanda wa ndekelu wa mu Bible, 666 nnomba anyi dîna dia nyama wa luonji wa mitu muanda mutekete ne nsengu dikumi udi upatuka mu mbuu. (Buakabuluibua 13:1, 17, 18) Nyama eu udi uleja bulongolodi bua buloba bujima bua malu a tshididi budi bukokesha “tshisa tshionso ne bantu bonso ne muakulu wonso ne tshisamba tshionso.” (Buakabuluibua 13:7) Dîna 666 didi dileja ne: ku mesu kua Nzambi, bulongolodi bua malu a tshididi ki mbutshimune nansha kakese. Mmushindu kayi?

Ki ndîna patupu to. Mêna atu Nzambi upesha bantu atu ne diumvuija. Tshilejilu, wakapesha Abalama dîna didi diumvuija: “Tatu udi kuulu (mubandishibue)” dîna dia ne : Abalahama dîna didi diumvuija: “Tatu wa tshisumbu tshia (musumba wa) bantu,” dîba divuaye mumulaye bua ‘kumuvuija tatu wa bisamba bia bungi.’ (Genese 17:5, dimanyisha) Bia muomumue, Nzambi uvua mupeshe nyama eu dîna dia 666 bua kuleja ngikadilu misunguluke ya nyama eu.

Nomba muisambombo udi uleja tshintu tshidi katshiyi tshikumbane tshishiki. Misangu ya bungi mu Bible batu bakuata mudimu ne nomba bu bimanyinu. Tshilejilu, nomba wa muanda mutekete udi uleja tshintu tshidi tshikumbane tshishiki anyi tshiakana. Nomba muisambombo mmushadile ku wa muanda mutekete ku nomba umue, udi mua kuleja tshintu tshidi katshiyi tshikumbane tshishiki anyi tshidi katshiyi tshimpe ku mêsu kua Nzambi; ne tshidi kabidi mua kuikala mu malanda ne baluishi ba Nzambi.​—1 Kulondolola 20:6; Danyele 3:1.

Mmuambulula misangi isatu bua kuela kashonyi pa bualu buine. Bible utu imue misangu wambulula bualu misangu isatu bua kubushindika. (Buakabuluibua 4:8; 8:13) Nunku dîna dia 666 didi dileja patoke ne: ku mêsu kua Nzambi, malongolodi a tshididi a bana ba bantu ki mmatshimune to. Mmapangile bua kupetesha bantu ditalala dia kashidi ne bua kubateka mu bukubi. Anu Bukalenge bua Nzambi nkayabu ke buenzele bantu malu aa.

Tshimanyinu tshia nyama wa luonji

Bible udi wamba ne: bantu badi bapeta tshimanyinu tshia nyama wa luonji bualu badi bamulonda “benda bakema”, bafika too ne ku dimutendelela. (Buakabuluibua 13:3, 4; 16:2) Badi benza nanku padibu bakukuila bintu biabu, bimanyinu bia matunga abu anyi batumbisha biluilu biabu bia basalayi. Mukanda kampanda wakaleja bua bualu ebu ne: “Dinanga dia ditunga ndilue mushindu mukuabu munene wa ntendelelu udi mutue mpokomba matuku etu aa.”​—The Encyclopedia of Religion.a

Mmushindu kayi udi muntu mua kutuika tshimanyinu tshia nyama wa luonji ku tshianza tshiende tshia balume anyi mu mpala muende? (Buakabuluibua 13:16) Bilondeshile mikenji ivua Nzambi muelele bena Isalele, uvua muambe ne: ‘nuasuike ku tshianza tshienu bu divuluija, ne neikale bu mukaba pa mpala yenu.’ (Dutelonome 11:18) Kabiena biumvuija ne: bena Isalele bavua baditua tshimanyinu ku bianza biabu ne mu mpala yabu to, kadi nne: dîyi dia Nzambi ke divua ne bua kulombola bienzedi biabu ne lungenyi luabu. Bia muomumue, tshimanyinu tshia nyama wa luonji katshiena bu tshimayinu tshia nsalu ya bazola 666 pa mbidi to, kadi ntshimanyinu tshidi tshileja mu ngumvuilu wa mu tshimfuanyi bantu badi balekela bulongolodi bua malu a tshididi bulombola nsombelu wabu. Bantu badi ne tshimanyinu tshia nyama wa luonji badi baleja mudibu bena lukuna ba Nzambi.​—Buakabuluibua 14:9, 10; 19:19-21.

a Tangila kabidi mu mikanda eyi: Nationalism in a Global Era, dibeji 134, ne Nationalism and the Mind: Essays on Modern Culture, dibeji 94.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu