Bukalenge bua Nzambi ntshinyi?

TSHIDI BIBLE WAMBA

“Nzambi wa mu diulu neajadike bukalenge bukuabu buikala kabuyi mua kubutudibua nansha kakese.”​—Danyele 2:44, Nkudimuinu wa bulongolodi bupiabupia.

“Mbatupeshe muana wa balume; ne bukokeshi nebuikale pa dikaya diende.”​—Yeshaya 9:6; dimanyisha.

MUDI MVESE EYI IKUAMBULUISHA

• Mbulamatadi muimpe udi mua kukuambuluisha wewe.​—Yeshaya 48:17, 18.

• Mu bulongolodi bupiabupia, newikale ne disanka ne makanda a mubidi mimpe matambe.​—Buakabuluibua 21:3, 4.

TUDI NE BUA KUITABA TSHIDI BIBLE WAMBA ANYI?

Eyowa, bua malu abidi aa:

• Yezu wakaleja malu enza Bukalenge bua Nzambi. Yezu wakalongesha bayidi bende bua kusambila bua Bukalenge bua Nzambi bulue ne bua disua dia Nzambi dienzeke pa buloba. (Matayi 6:9, 10) Yezu wakenza malu avua aleja muikala Nzambi mua kuandamuna disambila edi.

  Tshilejilu, pavua Yezu pa buloba wakadisha bantu bavua ne nzala, kuondopa babedi, kubisha ne bantu ku lufu. (Matayi 15:29-38; Yone 11:38-44) Bu muvua Yezu ne bua kuikala Mfumu wa mu Bukalenge bua Nzambi, wakenza malu mimpe bua kuleja kakese tshianana tshikala Bukalenge abu ne bua kuenzela benamu.​—Buakabuluibua 11:15.

• Malu adi enzeka lelu adi aleja ne: Bukalenge bua Nzambi bukadi pa kulua. Yezu uvua muambe ne: kumpala kua Bukalenge ebu kuteka ditalala pa buloba, kuvua malu avua ne bua kuvulangana pa buloba, bu mudi: mvita, biyole bia nzala ne bikumina.​—Matayi 24:3, 7.

  Ki mmalu atudi tumona lelu anyi? Nunku, tuikalayi batuishibue ne: Bukalenge bua Nzambi bukadi pa kujikija ntatu yonso eyi.