Lutulu

Dîyi dia kulonda: “Dinanga didi ne lutulu.”—1 Kol. 13:4.

Tshivua Yezu muenze

Yezu wakula ne muanabu Yakobo mu ditanda dia mabaya. Yakobo ukema padiye umumona.

FILME: Yezu wakambuluisha muanabu ne lutulu

1. Tangila FILME, anyi bala Yone 7:3-5 ne 1 Kolinto 15:3, 4, 7. Pashishe welangane meji a nkonko idi ilonda eyi:

Ntshinyi tshivua bana babu ne Yezu banji kuenza pavuabu bumvue diyisha diende?
Yezu kakatshioka muanabu Yakobo kumulekelaye to. Ntshinyi tshidi tshileja nanku?

Dilongesha

2. Mbimpe tuikale ne lutulu, bualu bitu bikengela matuku a bungi bua bakuabu kuitaba lumu luimpe.

Idikija Yezu

3. Teta mushindu mukuabu. Muntu yeye kayi muitabe diakamue bua kulonga Bible, kumuenzeji to. Biobi bikumbana, muleja filme anyi biena-bualu bifunda bua umvue mutu dilonga dia Bible dienzeka, ne mudidi mua kumuambuluisha.

4. Kufuanyikiji muntu ne mukuabu to. Muntu yonso udi wende mushindu. Muena mu dîku dienu anyi muntu uudi upinganyina yeye welakana bua kulonga Bible peshi bua kuitaba dilongesha kampanda dia mu Bible, keba bua kumanya bua tshinyi udi welakana. Mmutambe kueyemena dilongesha kampanda dia mu bitendelelu anyi? Balela bende anyi bena mutumba badi bamutatshisha anyi? Mushila dîba dia yeye kuelela malu audi mumuambile meji ne kumona mushinga udi nawu malu a mu Bible.

5. Sambila bua muntu udi musue kuteleja. Lomba Yehowa akuambuluishe bua ushale anu ne bukalanga, mutekemene ne: muntu au neaye kumpala. Mulomba akupeshe busunguluji bua umanye dîba dia kubenga kupinganyina muntu udi kayi witaba bulelela.—1 Kol. 9:26.

TANGILA KABIDI

Mâko 4:26-28; 1 Kol. 3:5-9; 2 Pet. 3:9