DIPINGANYINA MUNTU
DILONGESHA 7
Disuminyina
Dîyi dia kulonda: “Bakatungunuka ne kulongesha ne kuamba lumu luimpe, . . . kabayi balekela nansha.”—Bien. 5:42.
Tshivua Paulo muenze
1. Tangila FILME, anyi bala Bienzedi 19:8-10. Pashishe welangane meji a nkonko idi ilonda eyi:
Pamutu pa Paulo kulekela pavua bantu babenga kumuteleja, mmunyi muvuaye musuminyine ne kuambuluisha bavua bamuteleja?
Mmisangu bungi kayi ivua Paulo mupinganyine bantu bavua bamuteleja abu bua kubalongesha? Uvua mubalongeshe nanku mutantshi bule kayi?
Dilongesha
2. Bidi bitulomba dîba ne bukole bua kupinganyina bantu bua kuyikila nabu bimpe ne kubanga kulonga nabu Bible.
Idikija Paulo
3. Pinganyina muntu dîba didiye yeye musue. Diebeja ne: ‘Ndîba kayi dindi meme mua kumupinganyina bimpe? Ndîba kayi didiye mufuane kuyukila nanyi bimpe, ne mmuaba kayi?’ Dienzeja bua kumupinganyina nansha dîba adi kadiyi dikusankisha to.
4. Umvuangana nende bua kumupinganyina. Dîba dionso diudi ujikija kuyukila ne muntu, numvuangane dîba diudi mua kulua kuyukila nende musangu walonda. Dienzeja bua kunemeka dîba adi.
5. Kuteketshi to. Kuedi meji ne: muntu udi kayi utamba kumueneka kumbelu anyi udi anu ne bia bungi bia kuenza kakuitaba bulelela to. (1 Kol. 13:4, 7) Kadi ikala anu usuminyina ne kumukeba, tshikole wenza kabidi malu bimpe ne dîba diebe.—1 Kol. 9:26.