Tshisangilu tshia ku tshidimu

1 KASUAMANSENSE 1994

TSHISANGILU TSHIA KU TSHIDIMU tshia bena mu Watch Tower Bible and Tract Society of Pennsylvania netshienzeke mu dia 1 Kasuamansense 1994, mu Nzubu wa mpuilu wa Bantemu ba Yehowa udi ku nimero 2932, bulevare Kennedy ku Jersey City, New Jersey. Tshisangilu tshia diunzulula natshi tshialu netshienzeke amu bua bena mu Société pa dîba 9 ne minute 30, pashishe, tshisangilu tshia ku tshidimu netshituadije pa dîba 10 jajaja.

Netusanke pikala bena mu Société badi bashintulule adresse yabo munkatshi mua tshidimu tshishale mua kuyimanyisha Biro bia Sekretere bituadijile mpindieu, bua mabeji a dibikila nawu ne formilere ya kuwuja yadianjila kutumibua ibafikile pa dîba mu Kashipu.

Formilere ne mabeji a dibikila nawu biatuminabo bena mu Société kabiena ne bua kupingajibua ku Biro bia Sekretere kunyima kua dia 1 Tshimungu nansha. Muena mu Société yonso udi ne bua kuwuja formilere wende ne kumupingaja ne lukasa luonso bua kushindika bikalaye mua kubuela anyi kayi mua kubuela mu tshisangilu etshi. Mamanyisha afilaye kakuashintulula pashishe nansha, bualu neambuluishe bua kujadika bungi bua bantu bikalaku.

Mbiakajibue bua se: programme wonso, pamue ne tshisangilu tshia diunzulula natshi tshialu ne luapolo yafilabo pashishe, bijike pa dîba 1 kunyima kua midi anyi mêba makese pashishe. Programme mukuabo kakuikalaku mu mêba a mapingaja to. Bua bungi bukese bua miaba, nebikengele amu kuleja dibeji dia dibiikila bua kubuela. Programme wa tshisangilu etshi kakutelejibua ku nshinga to.