TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • wp16 No. 4 dib. 5
  • Bible wakapanduka ku buluishi

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Bible wakapanduka ku buluishi
  • Tshibumba tshia Nsentedi tshidi tshimanyisha Bukalenge bua Yehowa (Tshia bantu bonso)—2016
  • Bintu bia muomumue
  • William Tyndale: Muntu wa lungenyi lutue
    Tshibumba tshia Nsentedi tshidi tshimanyisha Bukalenge bua Yehowa—1995
  • Tshitupa tshibidi—Mushindu wakatufikila Bible
    Tshibumba tshia Nsentedi tshidi tshimanyisha Bukalenge bua Yehowa—1997
  • Mudi Bible mufike kutudi lelu
    Tabulukayi!—2007
  • Yehowa n’Nzambi udi uyukila ne bantu
    Tshibumba tshia Nsentedi tshidi tshimanyisha Bukalenge bua Yehowa—2015
Tangila bikuabu
Tshibumba tshia Nsentedi tshidi tshimanyisha Bukalenge bua Yehowa (Tshia bantu bonso)—2016
wp16 No. 4 dib. 5

TSHIENA-BUALU TSHINENE | MUVUA BIBLE MUPANDUKE

Bible wakapanduka ku buluishi

LUTATU: Bena malu a tshididi ne bamfumu ba bitendelelu ba bungi bakalongolola bua kuluisha mukenji wa mu Bible. Misangu ya bungi bakenza mudimu ne bukokeshi buabu bua kukandika bantu bua kabikadi ne Bible, kabamupatudi anyi kabamukudimunyi to. Tukonkononayi bilejilu bibidi:

  • Bu mu bidimu bia 167 kumpala kua Yezu: Mukalenge Antiochus Epiphanes uvua musue kuenzeja bena Yuda bua kuitaba ntendelelu wa bena Greke, wakatuma dîyi bua babutule Mifundu Minsantu yonso ya tshiena Ebelu. Mufundi wa malu a kale diende Heinrich Graetz wakafunda ne: Bantu bende “bavua bapanda ne buosha mivungu ya Mikenji miaba yonso ivuabu bayipeta ne bakashipa bantu bonso bavua bapetela bukole ne busambi pavuabu bayibala.”

  • Mu bidimu bia 1500: Bamue bamfumu ba tshitendelelu tshia Katolike bakafika munda bualu bena kuitabuja bavua balongesha malu avua mu Bible pamutu pa kulongesha bilele bia Katolike, muntu yonso uvua ne mikanda mikuabu ya mu Bible pa kumbusha mukanda wa Misambu uvua mu Latin, bavua bamuamba ne: mmutontolodi. Bamfumu ba tshitendelelu kampanda bakenzeja bantu babu bua “badienzeje bikole ne lulamatu luonso, ne bakebe bakebulule batontolodi, bakebe mu nzubu yonso ne nzubu ya muinshi mua buloba mudi bantu badibu bamona bu badi ne mikanda ya mu Bible. Mu nzubu yonso muvuabu bapeta mutontolodi bavua ne bua kumushipa.”

Bu baluishi ba Bible bamubutule, mukenji wende uvua mua kuikala mujimine.

Dibeji kampanda dia mu nkudimuinu wa Bible wa Anglais wa William Tyndale

Nkudimuinu wa Bible wa mu Anglais wa William Tyndale wakapanduka nansha muvuabu bamukandike, diosha Bible, ne diowa dia Tyndale mu 1536

MUA KAPANDUKA BIBLE: Mukalenge Antiochus wakenzela kampanye kende anu mu Isalele, kadi bena Yuda bakenza bisa mu miaba mishilashilangane. Bamanyi badi batshinka ne: mu bidimu lukama bia kumpala, bena Yuda bia pa lukama makumi asambombo kabavua basombele mu Isalele to. Mu nsunagoga, bena Yuda bavua balame Mifundu Minsantu, tuambe ne: ivuabu balue kuenza nayi mudimu kudi ndelanganyi yabu yakalonda, ne kudi bena Kristo kabidi.​—Bienzedi 15:21.

Munkatshi mua bidimu bia 1500, bantu bavua banange Bible bakatantamena buluishi ne dikima ne kutungunukabu ne kukudimuna Bible ne kumutentula. Nansha kumpala kua kuenzabu mashinyi a dipatula mikanda munkatshi mua bidimu bia 1500, bitupa bia Bible bivua mua kuikalaku mu miakulu ya bungi mipite pa 33. Panyima pa matuku, bakakudimuna Bible ne kumupatula mu mushindu uvuabi kabiyi bianji kuenzeka to.

TSHIPETA: Nansha muvuaku buluishi bufumina kudi bamfumu ba bukole ne balombodi ba bitendelelu babi, Bible ke mukanda udibu babanye bikole ne udibu bakudimune bikole kupita mikanda mikuabu yonso. Bible mmuambuluishe mikenji ne miakulu ya amue matunga, too ne nsombelu ya bantu ba bungi.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu