TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • km 5/95 dib. 7
  • Mandamuna ku nkonko yenu

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Mandamuna ku nkonko yenu
  • Mudimu wetu wa Bukalenge—1995
  • Bintu bia muomumue
  • Ikala ne budimu paudi mu buambi
    Mudimu wetu wa Bukalenge—2012
  • Mishindu ya kuyisha lumu luimpe
    Balongolola bua kuenza disua dia Yehowa
  • Tupatulayi bipeta bimpe mu mudimu wetu
    Mudimu wetu wa Bukalenge—1998
  • Ukadiku Mutete Buambi Bua Ku Dilolo Anyi?
    Mudimu wetu wa Bukalenge—1996
Tangila bikuabu
Mudimu wetu wa Bukalenge—1995
km 5/95 dib. 7

Mandamuna ku nkonko yenu

◼ Mushindu kayi utudi mua kudimuka patudi mu buambi mu teritware mudi njiwu?

1 Tudi tumvua misangu ne misangu bakula bua tshikisu, diluisha ne bimvundu, nangananga mu zone ya mu bimenga. Ebi bidi bitulubakaja, kadi tudi bamanye ne: nansha mu miaba mudi mukodi, bantu badiakaje bimpe nebasankidile mukenji wa Bukalenge. Nanku, mu tshikondo tshikumbanyine, tudi ne bua kupeta dikima dia kutungunuka, beyemena Yehowa udi utukuba.—Nsum. 29:25; 1 Tes. 2:2.

2 Patudi tuya mu kartié kampanda mudi mua kuikala njiwu, Yehowa mmusue bua tuetu kuleja budimu ne mmuenenu muimpe. Tuikalayi batabuluke. “Muntu mudimuke udi utangila dikenga diamba kumukuata, udi usokoma; kadi batshimbakanyi badi bahitaku, badi bakengeshibua.” (Nsum. 22:3) Bamanyishi bapiluke mbamanye ne: mbia meji bua kupatuka mu buambi babidi babidi anyi kupita apu, pikalabi bikengedibua. Tudi tubala mu Muambi 4:9, 12 ne: “Babidi mbapite umue. . . . Pikala muntu kampanda mua kupita mukuabo bukole, babidi badi mua kumutantamena.” Bapange malu basombele bafunyina bantu badi nkayabo, bualu mbitekete bua kubenzela bibi.

3 Tuikale badimuke bikole patudi tumanyisha mu nzubu minene idi ne mîdima mu biendedi ne mu tuzubu tua bibandilu mudi kamuyi bantu. Tuikale badimuke patudi tubikidibua bua kubuela mu nzubu kampanda anyi wa bisombelu bivule. Katudibueji mu milandu ne badi bamueneka bu bafuunyi anyi babundianganyi. Tudimanyishe diakamue ne: tudi Bantemu ba Yehowa. Bua bualu ebu ke busombela bamanyishi benda ne Bible anyi nimero kampanda wa Tshibumba tshia Nsentedi anyi Réveillez-vous! ku bianza.

4 Tudimuke bua bantu badi banyunguluka mu njila. Tuikale badimuke patudi tubuela mu bibandilu pamue ne bantu badi bamueneka kabayi basombe mu nzubu munene eu. Katuluatshi bilengeji bia mushinga wa bungi. Bituikala mua kupatuka pakadi dîba dibuele, katupitshidi mu tujila tufike ne katuyi tuendela bantu ba bungi. Padiku ditubunda, katuashi nkanana padibo bakeba kunyenga amu mfranga yetu anyi bintu bietu; muoyo wetu udi ne mushinga mupite tshintu tshionso tshia ku mubidi.—Mako 8:36.

5 Bana betu ba balume badi balombola mudimu wa kasumbu kampanda badi ne bua kuikala batabale ne kumanya dîba dionso muaba udi bamanyishi ne tshidibo benza. Pa tshibidilu, bidi bimpe bua kasumbu kufila bumanyishi mu kartié kamue; bamanyishi badi bashala nunku pabuipi bamue ne bakuabo. Padi bimvundu anyi bienzedi bia tshikisu, nansha bia munyi bienzeka, bidi bikengela kumbuka diakamue mu teritware.

6 Bituikala batabale ne badimuke, netutungunuke ne kufika kudi basombi ba mu miaba mudi njiwu, “badi badilakana ne batua mikemu bua malu mabi wonso adi enzeka.”—Yehez. 9:4.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu