Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Kasuam.

“Mmunyi muudi mua kumvuija bana batekete anyi bakuabu bantu tshidi lelu’eu malu mabi mavule enzekela? [Lekela muntu andamune.] Bible udi wandamuna lukonko elu: ‘Utu ukebesha malu mabi onso nganyi?’ [Bala 1 Yone 5:19.] Tshibejibeji etshi tshia Tshibumba tshia Nsentedi netshikuambuluishe bua wewe kujingulula muntu mubi au ne mushindu utudi mua kumuela nyima.”

Réveillez-vous! 22 oct.

“Udi wela meji ne: masambila a balombodi ba bitendelelu peshi a muntu kayi yonso mukuabu adi mua kufikisha bantu ku ditalala anyi? [Lekela muntu andamune.] Bible udi ulaya bantu tshikondo tshikalaku ditalala miaba yonso. [Bala Yeshaya 9:6, 7.] Udiku mumone ne: nekuikale mukokeshi wa pa buende watuala ditalala panu apa anyi? Tshibejibeji etshi tshia Réveillez-vous! tshidi tshileja udi muikale mukokeshi au ne mushindu watualaye ditalala dilelela.”

Tshibumba tshia Nsentedi 1 Kasuab.

“Bantu ba bungi ba kutudi badi bateta bua kusomba mu ditalala mu malanda abu ne bakuabu. Kadi pebe se udi mumanye ne: bitu bipepele bua kuamba kadi bikole bua kuenza, ki mmuomu anyi? [Lekela muntu andamune.] Bible udi umvuija bua tshinyi bidi nanku. [Bala Yakobo 3:2.] Tshiena-bualu etshi tshidi tshileja mudi difuilangana luse mua kuikala bualu bunene budi buambuluisha mu dikeba ne dilama ditalala.”

Réveillez-vous! 8 oct.

“Milayi ya mu Bible idi ileja ne: tshikondo netshilue tshikala muntu nansha umue kayi mua kuamba ne: ‘ndi ne disama.’ [Bala Yeshaya 33:24.] Kabiakuikalaku bualu bua dikema anyi? [Lekela muntu andamune.] Pabi, lelu’eu bantu badi bakenga bua masama mavule, pa kubala ne disama dia Sida. Tshibejibeji etshi tshia Réveillez-vous! tshidi tshiandamuna lukonko elu: Disama dia Sida nedijikeku dimue dituku anyi?”