Mushindu wa kufila bibejibeji

Tshibumba tshia Nsentedi Kasu. 15

“Anji ngambilaku, tshidi tshikengela bua kulengeja malu pa buloba ntshinyi? [Lekela muntu andamune. Pashishe wambe ne:] Bantu mbatete mishindu ne mishindu ya makalenge bua kumona mua kuakaja malu pa buloba. Kadi umvua tshidi Nzambi wambe pa bualu ebu. [Bala Yelemiya 10:23.] Tshiena-bualu etshi tshidi tshimanyisha mutudi mua ‘kuakaja malu pa buloba’ tshidi tshileja mushindu wenzeka muanda eu mu katupa kîpi emu.”

Réveillez-vous! 22 oct.

“Udi pebe witaba tshia bushuwa ne: lelu’eu bantu badi mu malu makole a bungi kupita muvuabi kumpala anyi? [Lekela muntu andamune.] Mukanda wa Nzambi ukavua mumanyishe bualu ebu. [Bala 2 Timote 3:1.] Ba bungi badi bamona nsombelu muikale mukole menemene, bibafikisha too ne ku diteketa mu maboko. Tshibejibeji etshi tshidi tshiambuluisha bualu tshidi tshikoleshangana ku muoyo menemene. Tshidi tshileja mushindu wa kukolesha muoyo ne kuvuija nsombelu mulenga.”

Tshibumba tshia Nsentedi Kasua. 1

Panyima pa wewe mumane kutela imue ngumu idi inyingalaja, udi mua kukonka muntu ne: “Bua tshinyi bantu badi benza malu mabi a mushindu’eu? Tuetu bonso tudi ne bua kuikala bamanye tshidi tshibi ne tshidi tshimpe, kadi bantu badi anu batungunuka ne kuenza malu mabi. Mbua tshinyi nunku? [Panyima pa yeye mumane kuandamuna, ubale Buakabuluibua 12:9.] Tshibejibeji etshi tshidi tshiumvuija mushindu utudi mua kudikuba pa kulama kuondo ketu ka muoyo.”

Réveillez-vous! 8 nov.

“Pamu’apa udi pebe witaba ne: tudi mu tshikondo tshibi menemene. [Panyima pa diandamuna diende, bala 2 Timote 3:3.] Misangu mivule bienzedi bia ‘luonji’ bidi bimueneka mu dîku. Tshiena-bualu etshi: ‘Diambuluisha bua bakaji badibu bakuma kudi balume,’ tshidi ne malu malenga adi akolesha bantu ku muoyo. Pamu’apa udi mumanye muntu kampanda uudi mua kuambila pebe.”