Diambulula dia malu a mu Mpuilu wa pa Buende

Nenukonkonone tshiena-bualu etshi bua kuanji kumona malu alongeshabu mu mpuilu wa pa buende wa tshidimu tshia mudimu tshia 2005 ne pashishe kuambulula. Tshiena-bualu tshia “Mushindu mupiamupia wa kuambulula programe ya mpuilu” tshidi mu dibeji 4 dia tshisakidila etshi ntshiumvuije mushindu wa kuenza. Panudi nuenda nuambulula malu aa, kushiyi lukonko nansha lumue to. Diambulula edi didi ne bua kushindamena pa mushindu utudi mua kutumikila malu atuvua balonge.

TSHITUPA TSHIA MU DINDA

1. Bua tshinyi dijinga dia kuteleja Yehowa didi dienda anu divula? Kuteleja ntshinyi? (“Bua tshinyi kuteleja dîyi dia Yehowa?”)

2. Mmunyi mudi bena mu dîku mua kulama programe muimpe wa midimu ya mu nyuma? (“Mêku adi ateleja Dîyi dia Nzambi ne ntema mikole”)

3. Mmunyi muvua bantu ba mu tshijengu tshietu bayishe pavua mpunga mimueneke? (“Tuenze malu onso bua kutumbisha Nzambi”)

4. Tshilejilu tshidi mu Ebelu nshapita 3 ne 4 tshidi tshitulongesha malu kayi? Mmunyi mudi Yehowa wakula netu lelu? (“Kuteleja padi Nzambi wakula kudi kutukuba”)

5. Mmunyi muvua muyuki wa batismo mukuambuluishe? (“Didilambula ne batismo”)

TSHITUPA TSHIA MU MAPINGAJA

6. Ntshinyi tshitudi mua kumona mu nsombelu wa Yezu patshivuaye nsonga, ne mmunyi mudi bansonga ba mu tshijengu tshietu bamuidikija? (“Mushindu udi kuteleja Dîyi dia Nzambi ne ntema kukolesha bansonga betu”)

7. Ng’imue mishindu kayi idi baledi mua kutuadija kuendesha bana ba mu maboko ne bana batekete mu njila ya Yehowa? (“Bana batekete badi bateleja Nzambi ne balonga”)

8. Mmu imue nsombelu kayi mutudi ne bua kuteleja Yehowa, kuteleja Muanende ne “mupika wa lulamatu ne wa budimu”? (Mat. 24:45, NW) Bua tshinyi bidi bikengela kuenza nunku? (“Nuteye ntema misangu yonso ku dilongesha dia Nzambi”)