Diambulula dia mpuilu wa tshijengu

Tshitupa etshi ntshia kukonkonona mu Tshisangilu tshia Mudimu tshienzeka matuku makese kumpala anyi kunyima kua tshisumbu tshimane kubuela mu mpuilu wa tshijengu wa tshidimu tshia mudimu tshia 2006. Mutangidi-muludiki nealongolole bua diambulula edi dienzeke misangu ibidi bu mudibi bileja mu Mudimu wetu wa Bukalenge wa Tshimungu 2004, dibeji 4. Padidi dienzeka, badi ne bua kuela nkonko yonso, bashindamene pa mushindu utudi mua kutumikila malu avuabu balongeshe mu mpuilu.

DITUKU DIA KUMPALA

1. Mmunyi mutudi mua kuvuala bumuntu bupiabupia, ne bua tshinyi tudi ne bua kuikala amu nabu?

2. Mmalu kayi adi bamue benze bua kuvudija mudimu wabu wa kuyisha?

3. Bua tshinyi katuena ne bua kudifuanyikija ne bakuabu?

4. Mmunyi mudi bena mu dîku mua kuleja bumuntu bupiabupia munkatshi muabu?

5. Mmunyi mutudi mua kukuatshishangana mu tshisumbu ne lulamatu luonso?

6. Bua tshinyi tudi ne bua kuleja bumuntu bupiabupia mu mudimu wa buambi?

7. Dielangana meji dimpe didi dilomba malu kayi, ne mmunyi mudidi dituambuluisha?

8. Nngikadilu kayi yatuvuija bu bantu badi Yehowa ufumba mu bianza biende?

DITUKU DIBIDI

9. Bua tshinyi tudi ne bua kuenza mudimu bimpe ne ludimi luetu?

10. Mmasanka kayi atudi tupeta patudi ne ngakuilu muimpe kudi bena mudimu netu, balongi betu anyi kudi bantu bakuabu?

11. Mmunyi mutudi mua kutumikila mubelu udi mu Efeso 4:25-32 mu malu atudi tuenzela bena Kristo netu?

12. Mmushindu kayi wa kuenza mudimu ne ludimi luetu udi mutambe buimpe?

13. Ntshinyi tshitudi ne bua kuenza bua kutshimuna mubi?

14. Mmu mianda kayi mutudi ne bua kudienzeja bua kuikala katuyi ne ditoba dia ku malu a pa buloba?

15. Bua tshinyi tudi ne bua kudivuija bapiabapia munda muetu ku dituku ku dituku, ne mmunyi mutudi mua kuenza nanku?

16. Mmibelu kayi ya mu mpuilu wa tshijengu wa tshidimu etshi iudi ujinga kutumikila?