Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Tshisa.

“Bantu ba bungi badi bitaba ne: bua kuikala ne nsombelu muimpe mu dîku, bidi bikengela bena mu dîku kuikalabu bayukila nansha mudi bavule bikale ne lutatu lua kuyukila bimpe. Bua tshinyi udi witaba pebe bualu ebu? [Lekela muntu andamune.] Tshibejibeji etshi tshidi tshileja mushindu udi bantu mua kuikala bayukila bimpe mu dîku.” Bala Yakobo 1:19.

Réveillez-vous! Tshisa.

“Bantu ba bungi badi bamba ne: Nkuruse udi ubambuluisha bua kudiumvua pabuipi ne Nzambi. Kadi bakuabu badi bebeja ne: Mbimpe kutendelela tshintu tshivuabu bangate bua kushipelaku Yezu anyi? Ntshia bushuwa bua ne: Yezu wakafuila pa nkuruse anyi? Tshiena-bualu tshidi mu dibeji dia 12 tshidi tshiumvuija tshidi Bible wamba bua bualu ebu.” Bala Bienzedi 5:30.

Tshibumba tshia Nsentedi 1 Lum.

“Ntatu idi bupele bukebeshe idi ikengesha bantu bapite bungi pa buloba bujima. Udi wela meji ne: Bidi bikengela kuenza tshinyi bua kuambuluisha bantu aba? [Lekela muntu andamune. Pashishe bala 1 Petelo 2:21.] Tshibejibeji etshi tshidi tshileja mutudi mua kuidikija Yezu mu diambuluisha bapele.”

Réveillez-vous! Lum.

“Ukadiku mudiebeje bua kumanya tshitudi tukulakajila anyi? [Lekela muntu andamune.] Bible udi umvuija tshitudi tukulakajila ne uleja tshidi Nzambi mulongolole bua tuetu kupeta disanka dia kashidi ne tshiendelele.” [Bala Yeshaya 25:8.] Réveillez-vous! eu udi ukonkonona imue ngenyi idi bantu bela meji lelu’eu ne: ke idi mikebeshe dikulakaja.