TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • km 7/06 dib. 1
  • Muambuluisha bua kunanga ngikadilu milenga ya Yehowa

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Muambuluisha bua kunanga ngikadilu milenga ya Yehowa
  • Mudimu wetu wa Bukalenge—2006
  • Bintu bia muomumue
  • Mushindu wa kuenza bayidi ku diambuluisha dia mukanda wa Dimanya
    Mudimu wetu wa Bukalenge—1996
  • Ambuluisha balongi bebe ba Bible bua bafike ku dibatijibua
    Tshibumba tshia Nsentedi tshidi tshimanyisha Bukalenge bua Yehowa (Tshia kulonga)—2021
  • Ambuluisha bakuabu bua batumikile tshidi Bible wamba
    Tshibumba tshia Nsentedi tshidi tshimanyisha Bukalenge bua Yehowa—2007
  • Mamanyisha a ku ndekelu
    Mmalu kayi adi Bible utulongesha?
Tangila bikuabu
Mudimu wetu wa Bukalenge—2006
km 7/06 dib. 1

Muambuluisha bua kunanga ngikadilu milenga ya Yehowa

1 Patudi tuyisha, katuena tulongesha anu bantu malongesha manene a mu Bible nkayawu to. Tudi kabidi tubambuluisha bua kumanya Yehowa bimpe ne tubafikisha ku dinanga ngikadilu yende milenga. Padi muntu umanya Nzambi, bidi bimulenga ku muoyo bikole, bimusaka bua kushintulula bikadilu biende bua kumonaye mua ‘kuenda mu bienzedi bidi biakanangane ne Mukalenge ku dimusankisha dionso.’​—Kolos. 1:9, 10; 3:9, 10.

2 Mukanda wetu mupiamupia wa kulongesha nawu: Mukanda wa Bible ulongesha udi uleja ngikadilu ya Yehowa anu ku ntuadijilu kuawu. Nshapita wa kumpala udi wandamuna nkonko bu mudi idi ilonda eyi: “Nzambi utuku uditatshisha bua bualu buebe anyi? Nzambi utu mushindu kayi?” ne lua ne: “Kudiku mushindu wa kudia nende malanda anyi?” Nshapita eu udi kabidi uleja mudi Yehowa muikale munsantu anyi wa tshijila (tshik. 10), mudiye muakane ne kayi musue kumona bantu bakenga (tshik. 11), dinanga diende (tshik. 13), bukole buende (tshik. 16), luse luende, ne mutuye musue kubuikidila bantu mibi yabu, muikale ne lutulu ne unemeka mikenji yende (tshik. 19). Tshikoso tshia 20 tshidi tshileja mu tshikoso ne: “Paudi wenda ulonga malu a Yehowa, udi wenda umumona anu bu muntu wetu wa bushuwa eu ne neumunange bikole ne neudiumvue pabuipi nende.”

3 Mmunyi mutudi mua kuambuluisha bantu batudi tulonga nabu Bible ne mukanda wa Bible ulongesha bua kudiabu bulunda ne Yehowa? Patudi tujikija kulonga ne muntu tshikoso tshidi tshileja ngikadilu kampanda wa Nzambi, tudi mua kumukonka ne: “Bualu ebu budi bukulongeshaku ne: Yehowa n’Nzambi wa mushindu kayi?” anyi ne: “Nku tshinyi kudi bualu ebu bukuleja ne: Nzambi udi ukutabalela?” Tuetu tuela mulongi nkonko ya mushindu eu, nealonge mua kuikala kuela meji pa malu adiye ulonga ne netufike ku dimuambuluisha bua kunanga ngikadilu milenga ya Yehowa bikole.

4 Longesha ne kazubu ka diambulula: Ku ndekelu kua nshapita yonso, lomba mulongi bua kuakula mu ende mêyi pa bualu ne bualu buonso budibu baleje mu ka tshiena-bualu ka “Tshitu Bible ulongesha.” Muleja mvese idibu bafile. Bua kumanya malu adi munda mua mulongi, udi mua kumuela nkonko bu mudi: “Udi mumvue bishi bua tshidi Bible wamba muaba eu?” Wewe wenza nanku, newambuluishe mulongi bua kumvuaye malu manene a tshidiye mulonge ne kuleja tshidi mu meji ende. Nunku mulongi nealue mulunda wa Yehowa wa katapula kateka.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu