Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1/10

“Bantu ba bungi batu badiebeja bua kumanya ni bituku bitonda Nzambi patuye utumona tukenga. Wewe udi wela meji kayi? [Lekela muntu andamune. Pashishe bala Musambu wa 34:18.] Tshiena-bualu tshidi mu dibeji dia 19 tshidi tshiumvuija mushindu udi Nzambi utuambuluisha bua kulekela diela meji mabi bu mudi kudimona katutshiyi ne mushinga, kutamba kunyingalala ne kutamba kudipisha.”

Réveillez-vous! Ngondo wa 10

“Bantu ba bungi batu bamona Nzambi anu bu bukole kampanda budi kabuyi ne mudibu. Bakuabu badi bamumona bu muntu wa bushuwa. Kadi wewe udi wela meji kayi? [Lekela muntu andamune.] Teleja tshidi Bible wamba. [Bala 1 Petelo 5:6, 7.] Tshiena-bualu tshidi mu dibeji dia 29 tshidi tshifila diandamuna didi difumina mu Bible ku lukonko elu: Nzambi mmuntu mulelela anyi?”

Tshibumba tshia Nsentedi 1/11

“Muntu yonso utu musue kuikala ne disanka. Udi wela meji ne: bua muntu kuikala ne disanka bidi bikengela anu yeye ne makuta anyi? [Lekela muntu andamune.] Mufundi mukuabu wa Bible wakalonga mua kusanka ne bikese bivuaye nabi. [Bala Filipoi 4:11, 12.] Mukanda eu udi ne malu 5 adibu bangatshile mu Bible adi mua kukuambuluisha bua kuikala ne disanka.”

Réveillez-vous! Ngondo wa 11

“Bamue bantu batu kabayi bitaba ne: Nzambi udiku batu bamba ne: Nzambi ke udi ukebesha malu mabi adiku; nunku badi bela meji ne: nsombelu uvua mua kuikala muimpe pa buloba bu bitendelelu kabiyiku to. Kadi wewe udi wela meji kayi? [Lekela muntu andamune.] Umvua bualu budi busaka bitendelelu bia dishima ku dikebesha makenga. [Bala 2 Timote 4:3, 4.] Mukanda eu udi uleja bua tshinyi ngelelu wa meji udi nende bantu batu kabayi bitabuja dikalaku dia Nzambi kena muimpe to.”