Bioshelu bia mu ntenta wa tshitendelelu ne mudimu wabi mu ntendelelu mulelela

37:25, 29; 38:1

Bioshelu bia mu ntenta wa tshitendelelu bivua bienza bilondeshile mêyi matuma a Yehowa, ne bivua ne diumvuija dia pa buadi.

• 

  Masambila mimpe a batendeledi ba Yehowa adi amusankisha anu bu musenga wa manananshi wa mupuya muimpe musambakaja bimpe menemene uvuabu bamulambula

• 

  Yehowa uvua witaba milambu ivuabu balambuila pa tshioshelu tshia milambu ya kuosha. Dikala diatshi kumpala kua muaba munsantu didi dituvuluija ne: bua Nzambi kutuanyishaye, anu tuetu baleje ditabuja mu mulambu wa Yezu.​—Yne 3:16-18; Eb 10:5-10

Mmunyi mutudi mua kulongolola masambila etu bu musenga wa manananshi kumpala kua Nzambi?​—Mis 141:2