Tuakajayi nyishilu wetu​—Tuyishe ku telefone

MUSHINGA: Diyishila bantu ku telefone mmushindu munene wa “kufila bumanyishi buonso menemene bua lumu luimpe.” (Bz 20:24)a Didi dituambuluisha bua kuyisha muntu patudi katuyi ne mushindu wa kumonangana nende to.

TSHIA KUENZA:

• 

  Dilongolola. Sungula tshiena-bualu tshimpe. Pashishe longolola tshia kuambila muntu. Udi mua kulongolola kabidi mêyi matshintshika a kuamba biobi ne: tshiamu ke tshidi tshikuandamune. Mbimpe kusombela ku mêsa ne plan wa biwamba abi, ne malu makuabu awikala nawu dijinga bua kuyisha muntu, mikale bu mudi mu tshiamu tshikangula mu programe wa JW Library^® anyi mu jw.org^®

• 

  Ikala mudilekelele. Akula bu pa tshibidilu. Tuaku mimuemue, wakule ne jeste anu bu ne: muntu au mmukumone. Kuikadi upuwa misangu ya bungi padiku kakuyi bualu to. Mbimpe kuyisha ne bakuabu. Unudi nuyisha yeye muele lukonko, uluambulule lumvuike bua unudi nende pamuapa akuambuluishe ne diandamuna

• 

  Asa tshishimikidi bua kupinganyina muntu. Muntu yeye muanyishe muyuki wenu, udi mua kumushila lukonko lua kuandamuna pawamubikila musangu walonda. Udi kabidi mua kumuebeja ni nudi mua kufundilangana ku Enternete, kuyukila tshimona mêsu anyi kumutumina mukanda kampanda. Udi nansha mua kumuebeja ni udi mua kumutumina filme anyi tshiena-bualu tshia mu site wetu ku Enternete. Pikalabi bikumbana, udi mua kuambila muntu au bua malonga a mu Bible a ku Enternete, anyi bua bikuabu bintu bidi mu site wetu