“Mbikole bua kumupeta kabidi kumbelu”

Kutuku muanji kuamba nanku bua muntu kampanda uvua muleje dijinga anyi? Nansha muuvua mudienzeje bua kumupinganyina misangu ne misangu, udi mupangile bua kumiamina mâyi ku ntete ya bulelela iuvua mukune. (1 Kol. 3:6) Misangu mikuabu, bamanyishi bapiluke batu bafunda mukanda bua kutumina muntu utubu kabayi bapeta kumbelu, anyi batu bamushila mêyi mafunda mu kadibeji muinshi mua tshiibi. Bamue bamanyishi batu badianjila kumona ne: nebapete lutatu lua kubenga kusangana kabidi muntu kumbelu, ke bualu kayi batu bamulomba nimero ya telefone, bamuebeja pamuapa ne: “Utuku ufundilangana mesaje anyi?” Udi mua kubala dikumbula dipiadipia paudi ufundila muntu mukanda, umufundila ku Enternete, mu telefone, paudi umushila mêyi kampanda mafunda mu dibeji muinshi mua tshiibi ne paudi umubikila ku telefone. Nansha biobi bikole bua kumupeta misangu yonso kumbelu, kudi anu mushindu wa kukolesha dijinga diende.