Mvese miledila idi mu Bible ikuambuluishe

Mvese miledila idi mulongo udi munkatshinkatshi mua dibeji dionso mu Bible wa Nkudimuinu wa bulongolodi bupiabupia idi ituambuluisha bua kumanya mudi malu mashilashilangane adi mu Bible amba tshintu tshimue bua bualu kansanga. Wewe ubala Bible wa pa mabeji, mvese ayi mmileja kudi tumaleta tudi ku miaku. Keba tumaleta tudi pa miaku mu tshitupa tshiudi ubala, pashishe uye kutangila tumaleta tua muomumue mu mulongo udi munkatshinkatshi bua kupete mvese ayi. Wewe ubadila Bible mu JW Library^®, tuta pa kadileta kadi pa muaku kampanda, badi bakupatuila mvese ayi.

Mvese idibu baledila eyi idi mua kuikala yakula bua:

Bualu bua muomumue: Mvese ayi idi ikuleja bualu bua muomumue ne buudi ubala. Tshilejilu, bala 2 Samuele 24:1 ne 1 Kulondolola 21:1.

Mêyi a mu mvese mukuabu: Mu mvese ayi ke mudibu bangatshile tshiambilu kampanda tshiudi mubale. Tshilejilu, bala Matayi 4:4 ne Dutelonome 8:3.

Dikumbana dia dîyi dia buprofete: Mvese ayi idi ileja dikumbana dia dîyi kampanda dia buprofete diudi ubala. Tshilejilu, bala Matayi 21:5 ne Zekâya 9:9.