Mandamuna ku nkonko yenu

◼ Tshia kuenza ntshinyi padi mpanda-njila upesha mumanyishi tshibejibeji anyi mukanda?

Tudi bamanye ne: mikanda eyi tudi tuyipeta kudi Société pa kushintakaja ne mushinga mufunda. Ku luetu luseke, bu mutudi bamanyishi anyi bampanda-njila, tudi tuyabanyina bantu pa kushintakaja ku mapa a budisuile. Kabidi, bampanda-njila badi bapeta mikanda eyi ku mushinga mushadile ku udi bantu bakuabo anyi bamanyishi bayangata.

Pa kuamba bimpe, kakuena kabingila bua mpanda-njila kampanda “kushilaye” mumanyishi kansanga mukanda wa Société, bualu buonso badi mua kudipetelayi mu tshisumbu. Kadi, bidi mua kuenzeka bua mpanda-njila kupesha mumanyishi tshibejibeji anyi mukanda. Pa nanku, kudi mishindu ibidi ya kukumbaja dishilangana dia mishinga: anyi mumanyishi apingajila mpanda-njila mukanda mukuabu wa buena uvuaye mumupesha, anyi mpanda-njila afuta tshisumbu dishilangana dia mishinga ibidi eyi. Bualu, dishilangana edi ndia Société ne didi dipeshibua mpanda-njila bua mikanda idiye ufila kudi bantu bakuabo.—Tangila Mudimu wetu wa Bukalenge wa mu Tshisua-munene 1978, dibeji 3, tshiena-bualu tshia “Mamanyisha bua bampanda-njila!”