Bisangilu bia mudimu bua Luîshi
Lumingu luatuadija mu dia 6 Luîshi
Min. 15: Mbangilu, mamanyisha a mu tshisumbu ne Mamanyisha makumbanyine a mu Mudimu wetu wa Bukalenge. Leja ngenyi milenga ya mu bibejibeji bia ndekelu idi mua kuzangikibua mu buambi ku ndekelu wa lumingu.
Min. 15: “Tushalayi ne mmuenenu muimpe.” Mu nkonko ne mandamuna. Ela mpanda-njila umue anyi mumanyishi ukadi munenge matuku nkonko mu miaku mikese, aleje mushindu udiye mulama mmuenenu muimpe nansha mudiku bipukapuka anyi buluishi mu teritware.
Min. 15: “Broshire: biamu bia mushinga bia mudimu wa buambi.” Diyukidilangana ne bateleji. Manaya abidi malongolola bimpe pa maleja mafila. Leja imue broshire ya kufila mu Luîshi. Vuluija bateleji bua kudiangatshila ikalabo ne bua kupatuka nayi mu buambi lumingu elu. Mamanyisha a ndekelu.
Musambu wa 30 ne disambila dia nkomenu.
Lumingu luatuadija mu dia 13 Luîshi
Min. 10: Mbangilu, mamanyisha a mu tshisumbu ne “Mandamuna ku nkonko yenu.”
Min. 15: “Tumanyayi bimpe binetu.” Mu nkonko ne mandamuna. Lomba bateleji bua kulondabo malu makese menzeke adi aleja mushindu udibo bafika ku dimanyangana bikole ne bena mu tshisumbu bakuabo pa kulonda ngenyi ya mu tshikoso 6.
Min. 20: Tutambayi kuenza bumanyishi bua mu mpukapuka. Bamanyishi basatu anyi banayi badi bayukila pa mushindu wa kutamba kudifila mu mudimu eu. Ku diambuluisha dia Tshibumba tshia Nsentedi (mu Français) tshia mu dia 15 Kasuamansense 1987, mabeji 22-7, badi bakonkonona bivua bakuabo benze ne belangana meji pa mushindu wa kudifila bikole mu tshitupa etshi tshia buambi. Muanetu mulombodi wa tshitupa etshi udi ukankamija bateleji bua buobo kuenza pabu nunku.
Musambu wa 65 ne disambila dia nkomenu.
Lumingu luatuadija mu dia 20 Luîshi
Min. 5: Mbangilu, mamanyisha a mu tshisumbu, luapolo lua bibutshilu ne diela tuasakidila bua mapa.
Min. 20: “Tudimayi dijinga dia kumanya bia bungi mu makumbula mapiamapia.” Diyukidilangana ne bateleji. Manaya abidi a minute 3: makumbula mapiamapia ku diambuluisha dia maleja mafila. Kankamija bamanyishi bua kuenza madikolela bua kutuadija malonga a Bible.
Min. 20: “Tujandulayi nshinga wa dimanya kubala ne kufunda.” Mu nkonko ne mandamuna. Kankamija bana betu ba balume ne ba bakaji bua kuangata bualu ebu ne mushinga. Mamanyisha a ndekelu.
Musambu wa 223 ne disambila dia nkomenu.
Lumingu luatuadija mu dia 27 Luîshi
Musambu wa 174
Min. 5: Mbangilu ne mamanyisha a mu tshisumbu.
Min. 20: “Annuaire: tshikongoloji tshia makankamija a mushinga mukole.” Diyuki dia musangelu didi dileja mua kutumikila mvese mitela. Lomba bamanyishi bakavua badilongolole bimpe bua kulonda ne musangelu bualu budi mu tshiena-bualu etshi ne mu bidi bisanganyibua mu dibeji dia 32 dia nimero ya Tshibumba tshia Nsentedi (mu Français) tshia mu dia 1 Tshiongo 1990, tshia mu dia 1 Tshiongo 1987 ne tshia mu dia 1 Tshiongo 1986.
Min. 20: Bidi tshisumbu tshikengela, anyi diyuki diashila pa tshiena-bualu “Extrêmement pris par la bonne nouvelle” (Badifile ne kasuki mu dimanyisha lumu luimpe), tshipatula mu Tshibumba tshia Nsentedi (mu Français) tshia mu dia 1 Kashipu 1991, mabeji 28-30. Mamanyisha a ndekelu.
Musambu wa 118 ne disambila dia nkomenu.