Tshiuvua mukuate kunyima kua dimona bande wa video wa: La Bible: Une force dans votre vie
Andamuna nkonko eyi ne umvuija tshiudi wela meji bua mukenji udi mu bande eu. (1a) Tshidi tshipeshe bantu miliyo mivule bukole bua kulengeja nsombelu wabu ntshinyi? (Eb. 4:12) (1b) Tshidi tshikengela kuenza bua kupeta bukole ebu ne kukuata nabu mudimu mu nsombelu ntshinyi? (2) Fila mvese ivuabu batele bua kuambuluisha badi baselangane (a) bua bikale bayikila bilenga ne (b) bua bamanye mua kukanda biji biabu ne bikale ne nkatshinkatshi mu malu adibu benza (3) Mmunyi mudi mmuenenu wa muena Kristo pa dibaka ulengeja nsombelu wa mu dîku? (Ef. 5:28, 29) (4) Mmunyi mudi Yehowa Nzambi mufile tshilejilu tshilenga pa kupesha bana bintu bisatu bidibu basue ne bidibu nabi dijinga, ne mmunyi mudi baledi mua kulonda tshilejilu atshi lelu’eu? (Mâko 1:9-11) (5) Bua tshinyi baledi mbadi ne bua kudilongeshila bana Bible ne tshidi tshileja ne: badi ne bua kuikala ne tshibidilu tshia kubalongesha ntshinyi? (Dut. 6:6, 7) (6) Ntshinyi tshidi baledi mua kuenza bua dilonga dia mu dîku dikala disankisha bonso badimu? (7) Pa kumbusha dilonga dia Bible, ntshinyi tshikuabu tshidi Dîyi dia Nzambi dilomba baledi bua kuenzela bana? (8) Mmunyi mudi mibelu ya mu Bible mua kuambuluisha mêku bua kumanya tshia kuenza nansha buobu kabayi ne makuta mavule? (9) Tela mêyi a mu Bible adi padi muntu uatumikila amuepula ku amue masama. (10) Mmunyi mudi mikenji ya mu Dîyi dia Nzambi mishintulule nsombelu webe? (11) Mmunyi mudi bande eu mua kufikisha muntu uudi upeta mu buambi ku dilonga Bible?