Ndongamu wa Bisangilu bia Mudimu

Lumingu lua dia 9 Tshisanga

Musambu 93

Min. 15: Mamanyisha a mu tshisumbu ne makuabu makanyine a mu Mudimu wetu wa Bukalenge. Manyisha bungi bua bantu bavua babuele mu Tshivulukilu mu tshisumbu tshienu. Ambila bateleji bua balonde tshivua bantu bavua balue mu Tshivulukilu bua musangu wabu wa kumpala bambe. Kankamija bantu bonso bua batangile bande wa video wa La Bible: une force dans votre vie bua kudilongolola bua Tshisangilu tshia Mudimu tshia lumingu lua dia 23 Tshisanga.

Min. 10: Mandamuna ku nkonko yenu. Muyuki kudi mukulu. Umvuija malu adibu batangila bua kusungula miaba idi dilonga dia mukanda mua kuenzekela.​—Tangila Mandamuna ku nkonko yenu mu Mudimu wetu wa Bukalenge wa Tshiongo 1984.

Min. 20: “‘Udifile ne muebe muonso’ mu mudimu wa buambi.”a Lomba bamanyishi babidi anyi basatu bua balonde malu avuabu bamone pavuabu bambuluisha bakuabu bilondeshile tshidibu baleje mu tshikoso 3-5.

Musambu 80 ne disambila dia nkomenu.

Lumingu lua dia 16 Tshisanga

Musambu 145

Min. 10: Mamanyisha a mu tshisumbu. Luapolo lua konte. Bu mudiku kushale mbingu ibidi patupu bua ngondo eu kujikaye, wambile bantu bonso bua kudifilabu mu buambi bangabanga ne ngondo kujikaye.

Min. 15: “Mankenda adi atumbisha Nzambi.” Mukulu udi ukonkonona tshiena-bualu etshi ne bateleji. Jikija ne muyuki muîpi wikala ne mibelu ya mu Tshibumba tshia Nsentedi tshia dia 1 Kabalashipu 1989, dib. 15-20, Mfual.

Min. 20: “Kuyisha ne mêyi mapepele nkutambe buimpe.”b Buejamu ngenyi iudi mua kuangatshila mu tshiena-bualu tshia: “Tuamba lukasa butudi nabu!” tshidi mu Mudimu wetu wa Bukalenge wa Kashipu 1999, dibeji 4. Enzayi dinaya dia tshilejilu dimue peshi abidi mîpi.

Musambu 146 ne disambila dia nkomenu.

Lumingu lua dia 23 Tshisanga

Musambu 163

Min.  5: Mamanyisha a mu tshisumbu.

Min. 15: “Mmalu kayi atudi ne bua kudianjila kulongolola?” Muyuki. Buejamu ngenyi miakanyine miangata mu Tshibumba tshia Nsentedi tshia dia 1 Kasuabanga 2000, dibeji dia 18-21.

Min. 25: “Tshiuvua mukuate kunyima kua dimona bande wa video wa: La Bible: une force dans votre vie.” Diyukidilangana ne bateleji. Bua tshinyi kubenga kulonda lungenyi ludi mu bualu bulonda mu Annuaire 1997, dibeji dia 54, tshikoso tshia 1, pa bidi bitangila dienza mudimu bimpe ne bande ya video ya Société? Mu ngondo muisambombo netutangile bande wa video wa: La fermeté des Témoins de Jéhovah face à la persécution nazie.

Musambu 202 ne disambila dia nkomenu.

Lumingu lua dia 30 Tshisanga

Musambu 215

Min. 10: Mamanyisha a mu tshisumbu. Vuluija bamanyishi bua bafile luapolo lua mudimu bua ngondo muinayi. Balombodi ba dilonga dia mukanda badi ne bua kuambila bena mu tusumbu tuabu bua bafile luapolo yabo bua sekretere amone mua kuyituma yonso ku biro kumpala kua dia 6 Lumungulu.

Min. 15: “Bena mutumba nebe bamone ne: udi muntu muimpe.”c Tela mishindu mikuabu itudi mua kuyisha bantu ku ngikadilu yetu.​—Tangila Tshibumba tshia Nsentedi tshia dia 1 Kasuabanga 1997 dibeji dia 18, tshikoso tshia 16.

Min. 20: Bampanda-njila badi bambuluisha bakuabu. Muyuki ne diela nkonko dilombola kudi mutangidi wa mudimu. Bala kabidi tshiena-bualu tshia: Bampanda-njila badi bambuluisha bakuabu tshidi mu Mudimu wetu wa Bukalenge wa Kasuamansense 1998, dibeji 4. Leja mudi programe eu muambuluishe tshisumbu tshienu. Ela mpanda-njila udi muambuluishe muntu mukuabu nkonko kabidi ne mumanyishi kampanda uvuabu bambuluishe. Leja mudi dipatuka pamue mu budimi dia mpanda-njila ne mumanyishi udibu bambuluisha dibakuatshishe bonso babidi. Lomba bakuabu badilongolole mu ngondo idi kumpala bua kupeta pabu masanka atu batu babuela mu programe eu bapeta.

Musambu 216 ne disambila dia nkomenu.

Lumingu lua dia 7 Lumungulu

Musambu 84

Min. 10: Mamanyisha a mu tshisumbu.

Min. 15: “Nzambi udi mumanye mua kuenza malu onso.”d Umvuija mu tshikoso malu adi mu mukanda wa Prédicateurs, dibeji dia 443, adi aleja mushindu uvua mudimu wa diyisha bantu muenzeke mu 1935 ne kuufuanyikija ne luapolo ludi mu Annuaire wa 2001. Leja muvua divula edi dimueneka musangu mukuabu bu divua kadiyi mua kuenzeka.

Min. 20: Mmunyi mudi dîku dietu mua kuleja ne: didi dinsantu? Mukulu ne bena dîku diende badi bakonkonona Tshibumba tshia Nsentedi tshia dia 1 Tshimungu 1996, dibeji dia 17-20. Bambulule mishindu ya kuleja bunsantu patudi kumbelu, patudi ne balela betu, mu tshisumbu, patudi ne bena mutumba netu, mu kalasa ne ku mudimu.

Musambu 70 ne disambila dia nkomenu.

[Mêyi adi kuinshi]