Tangila bande wa video wa No Blood—Medicine Meets the Challenge
Udiku mamanye bia bungi pa bidi bitangila mishindu idiku ya kuondapa bantu kakuyi dielangana mashi anyi? Udiku mujingulule tshidi menemene ngondapilu mikuabu ya divudija mashi ne mutubu bayenza anyi? Tangila bande wa video eu, pashishe utete dimanya diebe ne nkonko idi ilonda eyi.—Dimanyisha: Bu mudi bande eu muikale uleja bimue bitupa bidibu bapanda bantu, baledi nebaleje budimu padibu bafika miaba eyi dîba didibu bamutangila pamue ne bana babu batekete.)
(1) Mbualu kayi bunene butu Bantemu ba Yehowa babengela bua kababedi mashi, ne mukenji au udi muaba kayi mu Bible? (2) Ntshinyi tshitutu tujinga pa bidi bitangila dituondapa? (3) Mbukenji kayi bua nshindamenu budi nabu babedi? (4) Bua tshinyi kubenga diedibua mashi mbualu bua meji kabidi ndipangadika didi muntu nkayende ne bua kudiangatshila? (5) Padi muntu ujimija mashi a bungi, mmalu kayi abidi a kuenza lukasa adi baminganga ne bua kuenza? (6) Nnjiwu kayi itu imueneka padibu bela muntu mashi? (7) Mbimue biamu kayi bitu nabi bapandianganyi bidi mua kukepeshisha dipatuka dia mashi padibu bapanda muntu? (8) Mmalu kayi awajinga bua kumanya pa bidi bitangila ngondapilu mikuabu ya divudija nayi mashi mu mubidi wa mubedi pamutu pa kumuelawu? (9) Badiku mua kupanda bantu badi ne masama manene kakuyi dibela mashi anyi? (10) Ntshinyi tshidi baminganga bavule bajinga kuenza bua Bantemu ba Yehowa, ne ntshinyi tshidi tshifuane kulua tshilejilu tshia kulonda bua luondapu lua babedi bonso?
Nebikale bualu buimpe menemene bua kutangila bande wa video wa No Blood ne balongi ba Bible, batatu ne bamamu ba mbanza ta balela betu badi kabayi Bantemu, bena mudimu netu, balongeshi ne balongi netu badi mua kujula nkonko pa dipangadika dietu dia kubenga bua kabatuedi mashi. Ditaba ngondapilu kampanda ku idibu baleje mu bande wa video eu ndipangadika didi ditangila muntu nkayende ne kuondo kende ka muoyo.—Tangila “Nkonko ya babadi” mu nimero ya Tshibumba tshia Nsentedi eyi: wa dia 15 Kabalashipu ne wa dia 15 Kasuamansense 2000.