Malu a kuvuluka bua Tshivulukilu

Bakulu badi ne bua kutabalela malu adi alonda aa padibu balongolola Tshivulukilu:

▪ Mampa ne mvinyo kabiena ne bua kupita kumpala kua dîba kadiyi dianji kubuela to.

▪ Nudianjile kuenza mampa adi makanyine ne nukebe mvinyo muimpe kumpala kua dîba.​—Bala Tshibumba tshia Nsentedi tshia dia 15 Luishi 2003, dibeji dia 14-15.

▪ Malongo, vere, mesa mimpe ne tshilamba tshia kubuikilapu mbia kulua nabi muaba unuenzela Tshivulukilu ne kubiteka pa muaba wabi kumpala kua dîba.

▪ Nulongolole bimpe Nzubu wa Bukalenge anyi muaba mukuabu unuenzela Tshivulukilu kumpala kua dîba.

▪ Nudianjile kusungula bana betu bikala ne bua kuakidila bantu ne bakuabu bendesha mampa ne mvinyo ne nudianjile kubaleja muenzabu mudimu wabu, ne kubambila bua kuikala ne mvuadilu muimpe ne tshimuenekelu tshimpe.

▪ Kanupu muoyo bua kutumina muela manyi yonso udi kayi ne bukole bua kufika muaba unudi nuenzela Tshivulukilu diampa ne mvinyo.

▪ Bikala bisumbu bia bungi ne bua kuenzela Tshivulukilu ku Nzubu wa Bukalenge umue, nulongolole malu bimpe bua bantu kabunguidi mu mishiku ya mbelu, mu njila ne miaba ya dimanyikila mashinyi, mioto anyi makalu.

▪ Binuikala ne bua kuenzela Tshivulukilu muaba mukuabu, nukebe bisanji bia mêyi bimpe bua bantu bonso kutelejabu muyuki bimpe.