Mua kubanga muyuki

Mua kutuadija kulonga Bible ne bantu: Disambombo dia kumpala dia ngondo wa 10

“Mu tshikondo tshikole etshi, tuetu bonso tutu ne ntatu itu itatshisha mêku. Buebe wewe, tudi mua kupetela diambuluisha dimpe didi mua kufila disanka mu dîku penyi?” Lekela muntu andamune. Pashishe umupeshe Tshibumba tshia Nsentedi tshia dia 1/10/2011. Balayi nende malu adi mu ka mutu ka bualu ka ku tudi mu dibeji dia 16 anyi dia 17, ne mvese nansha umue. Umupeshe bibejibeji, numvuangane bua kulua kukonkonona diandamuna dia lukonko ludi lulonda.

Tshibumba tshia Nsentedi 1/10

Leja muntu tshizubu tshia tshibejibeji; umuebeje ne: “Neumvue mushindu kayi wewe mulue kumanya ne: bavua bakushime mu malu adi atangila Nzambi? [Lekela muntu andamune.] Tangila tshivua Yezu muambe bua kumanya dishima ne bulelela. [Bala Yone 17:17.] Nunku, anu Bible nkayende ke udi utuambila bulelela mu malu a Nzambi. Mukanda eu udi uleja malu a dishima atanu atu bantu bamba bua Nzambi, kadi adi Bible ubenga.”

Réveillez-vous! Ngondo wa 10

“Tudi tuenda tuyikila ne bantu malu a mêku lelu. Buebe wewe, ndutatu kayi lunene ludi baledi bapeta mu dikolesha bana? [Lekela muntu andamune.] Baledi ba bungi batu bakeba mibelu mu Mukanda wa Nzambi. Tshilejilu, mêyi mimpe aa adi ambuluisha baledi padibu babela bana. [Bala Efeso 4:31.] Mukanda eu udi uleja mudi mibelu ya mu Mukanda wa Nzambi yambuluisha baledi mu dikolesha dia bana, kutuadijila anu ku buana too ne ku bunsonga buabu.”