Udi ne bua kuimanyika anyi?

Bamue bamanyishi batu ne tshilele tshia kuimanyika buambi padi dîba kampanda dikumbana, bu mudi mu dîba dia 12:00. Bulelela, amue malu adi mua kulomba bakuabu bamanyishi bua kuimanyika mudimu wa buambi dîba kampanda. Kadi, wewe utu ulekela kuyisha anu bualu bamanyishi bakuabu ba mu kasumbu kenu mbimanyike pabu anyi? Peshi bualu ntshilele tshia muaba unudi tshia kuimanyika buambi dîba kampanda? Kuenaku mua kutungunuka ne kuyisha bua minite ndambu muaba udi bantu ba bungi, bu mudi mu njila anyi? Udiku mua kutangila muntu umue anyi babidi paudi wenda upingana kumbelu anyi? Elabi meji bu wewe mua kupeta muntu nansha umue kumbelu udi ukuteleja peshi wewe mua kufila nansha Tshibumba tshia Nsentedi tshimue ne Réveillez-vous! umue kudi mupitshi wa njila! Tuetu katuyi ne bualu budi ne bua kutuimanyika, tutungunuke nansha bua minite mikese, bualu mmushindu utudi tuvudija ‘mulambu wetu wa kutumbisha nawu’ Nzambi.​—Eb. 13:15.