Tuakajayi nyishilu wetu: Tutuadije miyuki idi mua kutufikisha ku diyisha bantu

Yezu uvua mufike ku diyisha mukaji muena Samalea pavua mpunga mumueneke bualu uvua mutuadije kuyukila nende. Mmunyi mutudi mua kuakaja nyishilu wetu bua kutuadija kuyukila ne bantu batudi katuyi bamanye?

• Ikala ne musangelu paudi uyukila ne bantu. Nansha muvua Yezu mutshioke wakatuadija muyuki ne dilomba dia mâyi a kunua patupu. Wewe pebe udi mua kutuadija muyuki pa kuela muntu muoyo ne disanka, ne kuyukila nende pa malu bu mudi mushindu udi dituku, anyi malu mapiamapia adi menzeke. Manya ne: tshipatshila tshia kumpala ntshia kuanji kutuadija muyuki, nanku akula bua bualu kayi buonso budi mua kukoka ntema ya muntu. Yeye kayi muitabe bua kuyukila nebe, kuteketshi to. Teta kuyisha muntu mukuabu. Ulombe Yehowa bua akupeshe dikima.—Neh 2:4; Bz 4:29.

• Babidila mpunga yonso udi umueneka bua kuyisha lumu luimpe, kadi kulubakanyi to. Enza bua nuyukile ne muntu au anu bu pa tshibidilu. Wewe umuenzeja malu ku bukole udi mua kudiumvua bibi, ne kuimanyika muyuki. Muyuki wenu wowu mujike kuyi muanji kumuyisha, kabikutondi to. Wewe mumone ne: mbikole bua kuyisha padi mpunga umueneka, dibidija bua kutuadija muyuki ne bantu nansha kuyi mubayishe. [Ela filme wa kumpala nuakule bua malu adimu.]

• Keba mpunga wa kuyisha pa kuamba bualu kampanda buudi witabuja ne muoyo mujima, budi mua kusaka unudi nuyukila nende bua akuele lukonko. Yezu wakamba malu a dikema avua masake mukaji au bua kumuela nkonko. Ndekelu wa bionso pakatuadijaye kumuyisha lumu luimpe, ukavua anu wandamuna nkonko yende [Ela filme muibidi nuakule bua malu adimu, pashishe wele muisatu, nuenze bia muomumue.]