Malu adibu baledile mu Mabeji a tshisangilu tshia Nsombelu ne mudimu wetu (10/2019) — TSHIBUTSHILU TSHIA MIKANDA TSHIA KU ENTERNETE tshia Watchtower

⁸ Kuakula bibi bua bena Kristo netu mmpekatu. (Yakobo 4:11, 12) Kadi kudi bantu badi bakula bibi bua bena Kristo nabu, pamuapa bualu badi badimona bakane babapite anyi mbasue kubapepeja bua bobu kudibandisha. (Musambu 50:20; Nsumuinu 3:29) Muaku wa tshiena Greke udibu bakudimune ne: “kuakula bibi” udi uleja kuikala lukuna ne muntu, ne udi ne lungenyi lua kubanda muntu anyi kunekesha bilema biende. Kuenza nanku nkupisha muanetu au. Bua tshinyi tudi tuamba ne: muntu udi wakula bibi bua muanabu udi ‘wakula bibi bua mikenji [ya Nzambi] ne udi uyilumbuluisha’? Bafundi ne bafalese bavua ‘balekele mikenji ya Nzambi’ ne bakavua balumbuluishangana bilondeshile yabu mikenji. (Mâko 7:1-13) Bia muomumue, tuetu tupisha muanetu udi Yehowa kayi upisha, tudi ‘tulumbuluisha mikenji ya Nzambi,’ tuamba mudiyi kayiyi mikumbane. Tuetu tuakula bibi bua bana betu katuena tukumbaja mukenji wa dinanga to.—Lomo 13:8-10.

Dibala dia Bible

(Yakobo 3:1-18)

LUMINGU LUA DIA 14-20/10

BIUMA BIA MU DÎYI DIA NZAMBI | 1 PETELO 1-2

“Nudi ne bua kuikala ba tshijila”

(1 Petelo 1:14, 15)

w17.02 9 §5

Tshia kupikula natshi bantu ‘Ndipa dipuangane’ dia kudi Tatu

(1 Petelo 1:16)

lvs 77 §6

Mua kusungula mishindu ya dipitshisha kapepe

⁶ Yehowa udi utuambila ne: “Nudi ne bua kuikala ba tshijila, bualu meme ndi wa tshijila.” (1 Petelo 1:14-16; 2 Petelo 3:11) Yehowa neitabe ntendelelu wetu anu yeye wa tshijila anyi mukezuke. (Dutelonome 15:21) Ntendelelu wetu kena mua kuikala mukezuke patudi tuenza malu adi Yehowa mukine, bu mudi: malu a busenji, a tshikisu, anyi adi mu diumvuangana ne bademon to. (Lomo 6:12-14; 8:13) Kadi Yehowa udi mua kunyingalala tuetu tupitshisha kapepe ne malu a nunku. Kuenza nunku kudi mua kuvuija ntendelelu wetu mukoya, kayi muanyishibue kudi Yehowa to, ne kudi mua kunyanga malanda etu nende bikole.

Dikeba bubanji bua mu Dîyi dia Nzambi

(1 Petelo 1:10-12)

w08 15/11 21 §9

Malu manene a mu mukanda wa Yakobo ne mu mikanda ya Petelo

(1 Petelo 2:25)

it-2-F 1021 §4

Mutangidi

Mutangidi Mutambe Bunene. Bidi bimueneka ne: mêyi adi mu 1 Petelo 2:25 adi akula bua bantu ‘badi bu mikoko idi mipambuke’ mmangatshila mu Yeshaya 53:6; pashishe Petelo udi wamba ne: “Kadi mpindieu nudi bapingane kudi mulami wa mikoko ne mutangidi wa anyima yenu.” Muaba eu Petelo udi ne bua kuikala wakula bua Yehowa Nzambi, bualu bantu bavuaye ufundila abu kabavua bapambuke baye kule ne Kristo to, kadi ku butuangaji buende, bavua bapingane kudi Yehowa Nzambi Mulami munene wa bantu bende. (Mis 23:1; 80:1; Yel 23:3; Yhz 34:12) Yehowa udi kabidi mutangidi udi ukenketa bifukibua biende anyi ubitangila. (Mis 17:3) Muaku dikenketa anyi ditangila (mu tshiena Greke episkope) udi mua kuikala upetangana ne dilumbuluisha dia Nzambi, tshilejilu padibu bakula bua tshimenga tshia Yelushalema mu bidimu lukama bia kumpala pavuatshi katshiyi tshijingulule tshikondo tshivuabu ‘balue kutshitangila (mu tshiena Greke episkopes).’ (Luk 19:44) Muaku au udi mua kuikala uleja kabidi bualu buimpe budi buenzeka, tshilejilu padibu bakula bua bantu badi batumbisha Nzambi mu dituku dia “dikonkonona diende [mu tshiena Greke episkopes].”—1Pt 2:12.

Dibala dia Bible

(1 Petelo 1:1-16)

LUMINGU LUA DIA 21-27/10

BIUMA BIA MU DÎYI DIA NZAMBI | 1 PETELO 3-5

“Nshikidilu wa malu onso ukadi musemene pabuipi”

(1 Petelo 4:7)

w13 15/11 3 §1

“Nuikale badimuke bua nudifile mu masambila”

(1 Petelo 4:8)

w99 15/4 22 §3

Mushindu wa kujingulula butekete bua mu nyuma ne kubujikija

Bualu bua ndekelu, lama bikole mubelu wa dinanga wa mupostolo Petelo eu: “Nshikidilu wa malu onso ukadi musemene pabuipi. Nunku nuikale ne meji majalame, ne nuikale badimuke bua kudifila mu masambila. Kumpala kua malu onso, nunangangane bikole, bualu dinanga didi dibuikila mpekatu mipite bungi.” (1 Petelo 4:7, 8) Mbipepele bua kulekela bilema bia bantu bakuabu nansha bietu bine binyanga mioyo yetu anyi meji etu ne bilua tshilenduishi kutudi. Satana mmumanye butekete bua bantu ebu bimpe. Kuabulula bantu bua kubakokesha bimpe mmayele ende manene. Nanku, tudi ne bua kunangangana bikole ne kubuikidilangana bilema abi ne lukasa bua ‘katushidi Diabolo muaba’ nansha.—Efeso 4:25-27.

(1 Petelo 4:9)

w18.03 14-15 §2, 3

Tshibidilu tshimpe tshia diakidila benyi tshidi ne mushinga wa bungi

Dikeba bubanji bua mu Dîyi dia Nzambi

(1 Petelo 3:19, 20)

w13 15/6 23

Nkonko ya babadi

Bible udi wamba ne: Yezu ‘wakaya kuyisha nyuma ivua mu buloko.’ (1 Pet. 3:19) Bualu ebu budi bumvuija tshinyi?

(1 Petelo 4:6)

w08 15/11 21 §8

Malu manene a mu mukanda wa Yakobo ne mu mikanda ya Petelo

Dibala dia Bible