Didienzeja bua kulenga mioyo ya bateleji

Nsumuinu 3:1

TSHIA KUENZA: Ambuluisha bateleji bua bumvue mushinga wa malu audi wamba ne baatumikile.

MUA KUTSHIENZA:

• Ambuluisha bateleji bua badikonkonone. Ela bateleji nkonko idi kayiyi ilomba bua bandamune bua kubambuluisha bua bakonkonone mudibu badiumvua.

• Bakankamija benze muabu muonso bua kuenza malu mimpe. Kankamija bateleji bebe bua bakonkonone tshidi tshibasaka bua kuenza malu mimpe. Bambuluisha bua bikale benza malu mimpe ne muoyo mujima bualu mbanange Yehowa, mbanange bantu nabu, ne mbanange malongesha a mu Bible. Beleshisha meji; kubatandishi to. Ku ndekelu kua muyuki webe, pamutu pa bateleji kushala ne bundu, enza bua bakankamijibue ne basakibue ku dienza muabu muonso bua kuenza malu mimpe.

• Tuma ntema yabu kudi Yehowa. Leja patoke mudi malongesha, mêyi manene, ne mikenji bidi mu Bible bileja ngikadilu ya Nzambi ne mudiye mutunange. Enza bua bateleji bebe bikale ne dijinga dia kumanya mudi Yehowa udiumvua ne dia kumusankisha.