KAZUBU KA 20A

Diabanya dia bitupa bia maloba

Dikosa bitupa bia maloba bia bunene bumue didibu bumvuije muaba eu diakakolesha bantu bavuabu bakuate abu, kubajadikiladi ne: ndekelu wa bionso bavua ne bua kuakajilula ditunga diabu divuabu banange bikole adi. Tshikena kumona etshi tshidi tshitulongesha tshinyi lelu? Mona malu abidi adimu:

Karte kadi kaleja mikalu ya ditunga divuabu ne bua kuabanyina bena Yuda bavua mu Babilona anu muvua Yehezekele mufunde. Bumpianyi bua bunene bua muomumue bua bisa kumbukila ku nord too ne ku sud kutuadijila ne Dana, Ashê, Nafatale, Manashe, Efelayima, Lubena, Yuda, Dipa (katupa ka buloba ka balombodi), Benyamina, Simeona, Yisakâ, Zebulona, ne Gada.

Muaba wa bukubi ne mudimu wa nsongo

Muntu yonso wa ku bavua bapingana ku Yelushalema abu uvua ne bua kupeta bumpianyi mu Buloba Bulaya bumana kuakajilula. Bia muomumue lelu, mutendeledi yonso wa Yehowa udi ne muaba mu Mparadizu wa mu nyuma. Nansha tuetu tuenza tshinyi mu bulongolodi bua Nzambi, tudi mu bukubi ne tudi ne mudimu wa nsongo mu Mparadizu wa mu nyuma eu. Ku mêsu kua Yehowa, tuetu bonso tudi ne mushinga wa muomumue.

Bitupa bia maloba bia bunene bumue

Mu tshikena kumona tshia Yehezekele, tshitupa tshionso tshia mu Buloba Bulaya tshivua tshipetesha benatshi bintu bia bungi, kadi bikale bungi bua muomumue. Lelu kabidi, Yehowa mmupeshe bantu bende bonso mushindu wa kupeta mabenesha a muomumue mu Mparadizu wa mu nyuma.

Pingana mu nshapita wa 20, tshikoso 5-11