TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • lff dilongesha 56
  • Lama buobumue bua tshisumbu

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Lama buobumue bua tshisumbu
  • Shala ne muoyo kashidi!—Dilonga dia Bible dia nuenda nuyukila
  • Tumitu tua bualu
  • Bintu bia muomumue
  • BUELA MU BUONDOKE
  • TSHIA KUKUATA
  • BIA KUTANGILA KABIDI
  • Kanulenduishi “bana bakese aba”
    Tshibumba tshia Nsentedi tshidi tshimanyisha Bukalenge bua Yehowa (Tshia kulonga)—2021
  • ‘Tungunukayi ne kubuikidilangana ku budisuile’
    Tshibumba tshia Nsentedi tshidi tshimanyisha Bukalenge bua Yehowa—1997
  • Lamayi buobumue mu matuku aa a ku nshikidilu
    Tshibumba tshia Nsentedi tshidi tshimanyisha Bukalenge bua Yehowa—1996
  • Nubuikidilangane ne muoyo wenu mujima
    Tshibumba tshia Nsentedi tshidi tshimanyisha Bukalenge bua Yehowa—1999
Tangila bikuabu
Shala ne muoyo kashidi!—Dilonga dia Bible dia nuenda nuyukila
lff dilongesha 56
Dilongesha dia 56. Bana betu ba bakaji babidi ba makoba mashilangane basekelelangana ne disanka.

DILONGESHA DIA 56

Lama buobumue bua tshisumbu

Bia pa mabeji
Bia pa mabeji
Bia pa mabeji

Patudi ne bena Kristo netu, tudi tumvua anu bu mukalenge Davidi wakamba ne: “Mona mudibi bimpe ne bienza disanka bua bana ba muntu kusomba pamue mu buobumue!” (Misambu 133:1) Buobumue buetu kabuena budiluila ku mpukapuka to. Yonso wa kutudi udi ne wende mudimu wa kuenza bua buikalaku.

1. Mbualu kayi bua pa buabu budi bumueneka munkatshi mua bantu ba Nzambi?

Wewe mubuele mu bisangilu bietu mu ditunga dikuabu, pamuapa kuakumvua muakulu udibu bakulamu to, kadi neudiumvue anu bimpe musule. Bua tshinyi? Bualu tutu anu ne mikanda ya muomumue pa buloba bujima itutu tulonga nayi Bible mu bisangilu bietu. Kabidi, tutu tudienzeja bikole bua kunangangana ne binetu. Nansha tuetu muaba kayi, tuetu bonso tudi ‘tubila dîna dia Yehowa, bua kumutendelela mu buobumue.’​—Sefanya 3:9, dimanyisha dia kuinshi kua dibeji.

2. Ntshinyi tshiudi mua kuenza bua kulama buobumue buetu?

Bible udi wamba ne: “Nunangangane bikole ne muoyo umue.” (1 Petelo 1:22) Mmunyi muudi mua kutumikila mubelu eu? Kuikadi wimanyina pa bilema bia bena Kristo nebe to; ikala wewe utangila ngikadilu yabu mimpe. Pamutu pa kusomba anu ne badi banange malu autu wewe munange, dienzeja bua kuibidilanganaku ne bana betu ba bikadilu bikuabu bishilangane ne binutu nabi. Udi kabidi mua kudienzeja bua kumbusha lungenyi kayi luonso lua diangata bakuabu bibi mu muoyo webe.​—Balayi 1 Petelo 2:17.a

3. Wewe tshilumbu ne muena Kristo nebe, tshiwenza ntshinyi?

Tudi mu buobumue, kadi tudi bapange bupuangane. Tudi dimue edi mua kunyingalajangana anyi kuenzelangana bilema. Ke bualu kayi Bible udi utuambila ne: “Nutungunuke . . . ne kufuilangana luse,” kabidi ne: “Anu bu muvua Yehowa munufuile luse ne muoyo mujima, nuenu penu nudi ne bua kuenza nanku.” (Balayi Kolosayi 3:13.) Tutu tuenzela Yehowa bilema njila ne njila, kadi utu utufuila luse. Nanku mmusue bua tuikale petu tufuila bana betu luse. Wewe muvuluke ne: uvua munyingalaje mukuebe, ikala wa kumpala bua kuya kulengejangana nende.​—Bala Matayi 5:23, 24.b

BUELA MU BUONDOKE

Keba malu audi mua kuenza bua kulama ditalala ne buobumue bia tshisumbu.

Bimfuanyi bilamakaja: Muanetu wa balume ulengejangana ne muinende. 1. Muanetu mukuabu umuamba mêyi makole. 2. Welangana meji a bivua muanetu au mumuambe. 3. Ukonkonona mibelu ya Bible ya tshia kuenza padibu batuenzele bibi. 4. Uya kumonangana ne muanetu au bua kunuabu kafé ne kulengejangana nende.

Tshiwenza bua kukeba ditalala ntshinyi?

4. Lekela kuangata bakuabu bibi

Tudi ne bua kunanga bana betu bonso. Kadi bidi mua kutukolela bua kunanga muntu utudi tumona mushilangane netu. Tshia kuenza ntshinyi? Balayi Bienzedi 10:34, 35, pashishe nuandamune nkonko eyi:

  • Yehowa udi witaba bantu ba mishindu yonso bua kuluabu Bantemu bende. Mmunyi mudi bualu ebu mua kukuambuluisha mu mushindu uutu umona bantu banudi bashilangane nabu mu bilele ne mu bikadilu?

  • Bantu ba muaba uudi musombele batu ne bilele kayi biudi ne bua kuepuka bia diangata bakuabu bibi mu ngenyi yabu?

Balayi 2 Kolinto 6:11-13, pashishe nuandamune lukonko elu:

  • Buebe wewe, tshiudi mua kuenza bua kufika ku dinanga bena Kristo nebe ba bilele bikuabu ntshinyi?

5. Fuila mukuebe luse ne muoyo mulekelela, nulengejangane nende

Yehowa utu utufuila luse lua muoyo mujima nansha mudiye kayi mua kupeta bualu bua tuetu kumufuidila petu luse. Balayi Misambu 86:5, pashishe nuandamune nkonko eyi:

  • Yehowa utu ubuikidilangana mushindu kayi?

  • Bua tshinyi udi munange mushindu udi Yehowa ukufuila luse?

  • Mmalu kayi adi pamuapa mua kututatshisha bua kudia malanda ne bakuabu?

Mmushindu kayi utudi mua kuidikija Yehowa ne kushala mu buobumue ne bena Kristo netu? Balayi Nsumuinu 19:11, pashishe nuandamune lukonko elu:

  • Muena Kristo nebe yeye mukunyingalaje anyi mukuenzele tshilema, tshiudi mua kuenza bua kulengejangana nende ntshinyi?

Kudi misangu itudi mua kunyingalaja petu bakuabu. Biobi nanku, tshitudi ne bua kuenza ntshinyi? Tangilayi FILME, pashishe nuandamune lukonko ludi lulonda.

FILME: Kukeba ditalala kudi kupetesha masanka (6:01)

  • Mu filme eu, ntshinyi tshivua muanetu wa bakaji au muenze bua kukeba ditalala?

6. Tabalela ngikadilu mimpe ya bana benu

Patudi tuibidilangana ne bena Kristo netu, tudi tumanya ngikadilu yabu mimpe ne bilema biabu. Tudi mua kutamba kumona ngikadilu yabu mimpe mushindu kayi? Tangilayi FILME, pashishe nuandamune lukonko ludi lulonda.

FILME: Ikala anu wenda ulengela! (5:10)

  • Tshidi mua kukuambuluisha bua kumona ngikadilu mimpe ya bana betu ntshinyi?

Yehowa utu utamba kutangila ngikadilu yetu mimpe. Balayi 2 Kulondolola 16:9a, pashishe nuandamune lukonko elu:

  • Muudi mumanye ne: Yehowa udi utamba kuimanyina pa ngikadilu yebe mimpe, udi umvua bishi mu muoyo webe?

Mpeta muela dibue dia mbongo.

Nansha dibue dia mbongo dilengele, ditu anu ne tubilema; kadi ditu anu ne mushinga wa bungi. Bia muomumue, bana betu bonso mbapange bupuangane, kadi Yehowa udi ubangata ne mushinga wa bungi

BAMUE BATU BAMBA NE: “Tshiena mua kufuila muntu luse padiye kayi mulundombe to!”

  • Tudi ne bua kuikala ne muoyo wa kufuilangana luse bua tshinyi?

TSHIA KUKUATA

Udi mua kuambuluisha tshisumbu bua kulama buobumue buatshi paudi ufuila bena Kristo nebe bonso luse ne ubananga.

Diambulula

  • Udi mua kulekela lungenyi lua dimona bakuabu bibi mushindu kayi?

  • Tshiwenza ntshinyi wewe mukokangane ne muena Kristo nebe?

  • Bua tshinyi udi musue kulonda tshilejilu tshia Yehowa tshia kufuila bakuabu luse?

Tshipatshila

BIA KUTANGILA KABIDI

Tshilejilu tshivua Yezu mufile tshidi mua kutuambuluisha bua kubenga kubanda bana betu.

Umbusha mukamba udi mu diebe dîsu (6:56)

Tudi anu ne bua kulomba luse nansha muoyo wetu kawuyi utuambila ne: tudi benze tshilema anyi?

“Dilombangana luse ke mushindu muimpe wa kukeba ditalala” (Tshibumba tshia Nsentedi, 1/11/2002)

Mona muakajingulula bantu 2 mua kusomba mu buobumue nansha muvuabu bakolele muaba uvua bena kansungansunga ka makoba.

Johny ne Gideon: Kumpala baluishi, lelu bana ba muntu (6:42)

Mona muudi mua kujikija bilumbu kumpala kua kunyangabi ditalala dia tshisumbu.

“Ujikije bilumbu mu dinanga” (Tshibumba tshia Nsentedi, 5/2016)

a Dimanyisha dia ku ndekelu 6 didi dileja mudi dinanga disaka bena Kristo bua kubenga kuambulujilangana disama dia tshiambu.

b Dimanyisha dia ku ndekelu dia 7 didi dileja mua kujikija malu a makuta ne a diya ku bilumbu.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu