TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • wp19 No. 2 dib. 12-13
  • Patudi tudiumvua bashikile

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Patudi tudiumvua bashikile
  • Tshibumba tshia Nsentedi tshidi tshimanyisha Bukalenge bua Yehowa (Tshia bantu bonso)—2019
  • Tumitu tua bualu
  • Bintu bia muomumue
  • MUABA WA KUPETELA DIAMBULUISHA
  • KUDI MUSHINDU WA KUJIKIJA DISAMA EDI BUA KASHIDI ANYI?
  • Bua tshinyi bonso tudi ne bua kusamuna Nzambi?
    Tshibumba tshia Nsentedi tshidi tshimanyisha Bukalenge bua Yehowa—1997
  • 2 | “Busambi bua mu Mifundu”
    Tshibumba tshia Nsentedi tshidi tshimanyisha Bukalenge bua Yehowa (Tshia bantu bonso)—2023
  • Bible udi mua kungambuluisha mu disama dia dibungama dikole anyi?
    Mandamuna a nkonko ya mu Bible
Tshibumba tshia Nsentedi tshidi tshimanyisha Bukalenge bua Yehowa (Tshia bantu bonso)—2019
wp19 No. 2 dib. 12-13
Mamu muteke tshianza pa Bible mubulula, musombe ku mêsa ne mutangile kumpala

Patudi tudiumvua bashikile

Adriana wa mu Brésil udi wamba ne: “Misangu yonso mvua ne kanyinganyinga kavua kakayi kajika. Ke meme kumona ne: mbimpe nansha ndishipe.”

UKADIKU pebe mudiumvue bibi kutshiyi umona muoyo ne mushinga anyi? Nanku udi mua kumvua muvua Adriana mumvue. Uvua ne kanyinganyinga kakole ne dibungama, udiumvua kayi ne ditekemena. Bakamukuata ne disama dia mu lungenyi didi difikisha muntu ku dikala mubungame.

Mona kabidi tshivua tshifikile Kaoru wa mu Japon uvua utabalela baledi bende bakulakaje bavua basama. Udi umvuija ne: “Tshikondo atshi, malu a ku mudimu avua manzengeje. Mu kupita kua matuku, tshivua nansha ngumvua nzala, ne tshivua mpeta tulu to. Ke meme kufika ku dimona ne: bivua bimpe mfua nansha kufua bua ngikishe.”

Ojebode wa mu Nigéria udi wamba ne: “Misangu yonso mvua anu mubungame bimfikisha ne ku didila muadi, meme kukeba too ne mushindu wa kudishipa.” Diakalenga, Ojebode, Kaoru, ne Adriana kabakadishipa to. Kadi tshidimu tshionso etshi bantu binunu bia bungi badi badishipa.

MUABA WA KUPETELA DIAMBULUISHA

Ba bungi batu badishipa mbantu balume, ba bungi ba ku bobu aba batu bumvua bundu bua kulomba diambuluisha. Yezu wakamba ne: bantu badi basama ke badi dijinga ne munganga. (Luka 5:31) Nunku wewe udiumvua mushindu eu, tudi tukulomba bua kumvu bundu bua kulomba diambuluisha to. Bantu ba bungi batu ne disama dia mu lungenyi ditu difikisha ku dikala babungame mbamone ne: kulonda luondapu kampanda kudi mua kubambuluisha bua kumvua bimpe. Ojebode, Kaoru, ne Adriana bakamonangana bobu ne baminganga ne mpindieu badi bimpe.

Baminganga badi mua kufila manga anyi kuyukila ne muntu patupu bua kujikija disama didi difikisha ku dikala mubungame. Bantu badi ne disama edi batu bajinga bua bena mu mêku ne balunda bikale nabu lutulu, babumvuila, babatabalela ne babakuatshisha. Yehowa Nzambi ke mulunda mutambe buimpe udi muntu mua kupeta, bualu udi ufila diambuluisha dimpe mu Bible Dîyi diende.

KUDI MUSHINDU WA KUJIKIJA DISAMA EDI BUA KASHIDI ANYI?

Bantu badi basama disama dia mu lungenyi didi difikisha muntu ku dibungama batu dijinga ne kutungunuka ne kulonda manga ne balonga mua kupita nadi bimpe pa kuakaja malu kampanda mu nsombelu wabu. Kadi wewe muikale ne disama edi udi mua kutekemena malu mimpe kumpala eku anu bu Ojebode. Udi wamba ne: “Ndi mutekemene bua kumona mudi mêyi a mu Yeshaya 33:24 akumbana kumpala eku, mvese eu udi wakula bua tshikondo tshikala muntu nansha umue kayi mua kuamba ne: ‘Ndi nsama.’” Anu bu Ojebode mulayi wa Nzambi wa “buloba bupiabupia” muikala kamuyi “bintu bidi bisama” ukukoleshe ku muoyo. (Buakabuluibua 21:1, 4) Mulayi au udi uleja kabidi muajika kanyinganyinga kadi muntu umvua ne kadiye naku mu lungenyi. Tunyinganyinga tuebe tuonso netujike bua kashidi. Tunyinganyinga tuebe ‘katuakukuvuila kabidi mu lungenyi, anyi kukubanda kabidi ku muoyo to.’—Yeshaya 65:17.

Mvese ya mu Bible idi mua kuambuluisha

Nzambi mmumanye muudi udiumvua.

‘Meme, Yehowa Nzambi webe, ndi nkuata tshianza tshiebe tshia balume bikole, nkuambila ne: “Kutshinyi to. Nenkuambuluishe.”’​—Yeshaya 41:13.

Yehowa mmumanye bimpe mutudi tudiumvua kupita muntu kayi yonso, ne mmusue kutuambuluisha.

Elangana meji pa Dîyi dia Nzambi.

‘Eliya wakalomba bua afue. Wakamba ne: “Yehowa wanyi, angata muoyo wanyi.”’​—1 Bakalenge 19:4.

Ojebode udi wamba ne: “Kuelangana meji pa Dîyi dia Nzambi kuakangambuluisha. Ngakajingulula ne: muprofete Eliya wakadiumvua pende musangu kampanda mumvua ndiumvua amu.”

Bilejilu bia mu Bible bikulongeshe.

“Ndi [Yezu] musengelele Nzambi bua bualu buebe [Petelo] bua ditabuja diebe kaditeketshi.”​—Luka 22:32.

Panyima pa mupostolo Petelo mumane kuvila Yezu misangu isatu mijima biakamutonda bibi, kudilaye bikole. Kaoru udi uleja ne: “Tshivua tshifikile Petelo etshi tshiakangambuluisha bua kumona ne: Yehowa ne Yezu bavua bamanye mushindu uvua Petelo udiumvua. Biakankolesha bikole ku muoyo.”

Tunyinganyinga tuebe ‘katuakukuvuila kabidi mu lungenyi, anyi kukubanda kabidi ku muoyo to.’​—Yeshaya 65:17

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu