Mandamuna a nkonko yenu

▪ Netuenze tshinyi biatukandikabu bua kuyisha?

Mu imue nsombelu, bampulushi badi mua kubikila bamanyishi badi mua kuikala bayisha lumu luimpe mu mushindu kampanda, babambila ne: mudimu wenu udi ushipa mikenji ne bua nanku, bamba bua balekela kuyisha. Nudi ne bua kumbuka diakamue ne bukalanga buonso mu teritware au bikalabu banuambile nanku. (Mat. 5:41; Filip. 4:5) Kanukebi bua kujikija tshilumbu atshi mu nuenu nkayenu to, kanujingi bua kukokangana ne bampulushi bua bukenji butudi nabu bua kuyisha to. Koku mushindu, nudi mua kukuata nimero ya mpulushi au ne kukeba bua kumanya biro bidiye wenzela mudimu. Pashishe, numanyishe diakamue bakulu ne bobu nebamanyishe Betele bualu abu. Bia muomumue, bobu batubengele bua katuyishi ku nzubu minene ya etaji anyi ku miaba idi munene kampanda utangila, tudi ne bua kumbuka ne kumanyisha bakulu. Dîyi dimpe ne didipuekesha dîba ditudi tupetangana ne nsombelu ya mushindu eu ne bakokeshi bidi mua kutuambuluisha bua kuepuka bilumbu bidi kabiyi ne mushinga.​—Nsu. 15:1; Lomo 12:18.