Mua kubanga muyuki

(Nuangate bia Mfualansa pikala bia Tshiluba kabiyiku)

Mua kutuadija kulonga Bible ne bantu: Disambombo dia kumpala dia ngondo 6

“Tuetu bonso tukadi bafuishe balunda anyi balela betu. Utuku mutekemene bua kubamona kabidi anyi? [Lekela muntu andamune.] Tangila mudi bualu ebu butukolesha mu mikolo.” Balayi nende malu adi mu ka mutu ka bualu ka kumpala kadi mu dibeji dia 16 mu Tshibumba tshia Nsentedi tshia dia 1/6/2011 ne mvese umue. Umupeshe bibejibeji, numvuangane bua kulua kukonkonona diandamuna dia lukonko ludi lulonda.

Tshibumba tshia Nsentedi 1/6

“Ba bungi ba kutudi batu baluangana bua difutu diabu kutuadi ku ndekelu kua ngondo; bakuabu kabatu nansha ne bintu anyi biakudia bia nsongo to. Udiku wela meji ne: dimue dituku kakuakuikala kabidi bapele pa buloba apa anyi? [Lekela muntu andamune. Pashishe bala Musambu wa 9:18.] Mukanda eu udi uleja tshidi tshikebesha bupele ne tshidi Bible wamba bua kujikija bupele bimpe.”

Réveillez-vous! Ngondo 6

“Badi bakula bua tshinyangu anyi terorisme pa buloba bujima. Buebe wewe, tshidi tshikebesha tshinyangu etshi ntshinyi? [Lekela muntu andamune.] Mêyi a mu Bible aa adi atukolesha ku muoyo. [Bala Musambu wa 72:7, 14.] Mukanda eu udi uleja amue malu adi enza bua kuikale tshinyangu, ne uleja kabidi tshidi Bible wamba bua mushindu ne dîba diajika tshinyangu.