Mandamuna a nkonko yenu

▪ Tudi mua kusambila patudi tulonga bimanyine kulu anyi?

Kutuadija dilonga dia Bible ne disambila ne kudijikija ne dikuabu kudi ne malu mimpe a bungi. Patudi tusambila, tudi tupeta nyuma wa Yehowa. (Luka 11:13) Patudi tusambila, mulongi udi wangata dilonga ne mushinga, udi kabidi ulonga pende mua kusambila. (Luka 6:40) Nenku, mbimpe kutuadija kusambila katuyi tuindila matuku a bungi to. Kadi bu mudi malu mashilangane, bidi bikengela mulombodi wa dilonga ikale ne busunguluji kumpala kua kusambila padibu balonga bimanyine kulu.

Bualu bunene bua kutangila mmuaba udi dilonga dienzekela. Pikalawu muaba musokome ne dilonga dikadi dienzeke misangu ya bungi, tudi mua kutuadija ne disambila dîpi, tujikija ne dikuabu. Kadi pikala bantu batumona anyi mulongi umvua bundu, tudi mua kuindila too ne patuikala muaba musokome. Nansha tuetu tulongela muaba kayi wonso, tudi ne bua kuikala ne busunguluji kumpala kua kubanga kusambila.​—Tangila Mudimu wetu wa Bukalenge wa Luabanya 2005, dibeji 6.