Paradisa Hamaseki

Yehova wakafumishahu chikupu yuma yatama yejima yakoñeliyi Satana. Yehova wamwilisha Yesu kwikala Mwanta heseki dejima. Iseki akadilisha kwikala paradisa mukuyula kwaYesu.—Danyeli 7:13, 14; Luka 23:43.

Yehova wakana yumiyi:

• YAKUDYA YAYIVULU: “Maseki anasoñi nyikabu yawu; eyi Nzambi, yeyi Nzambi yetu, wakatukiswila nkisu.” ‘Hanu hamaseki hakavula kudya kwansaachi; hansa jampidi hakasweja kuvula yakudya.’—Masamu 67:6; 72:16.

• HIKWAKEKALA NJITAKU: “Inzenu mutali nyidimu yakoñañayi Yehova; o mahembi anavulishiyi hanu hamaseki. Diyi wakumishaña majita mwakumina iseki dejima.”—Masamu 46:8, 9.

• HIKWAKEKALA ANTU ATAMAKU: “Muloña antu elaña yuma yatama akayifumishamu . . . Hakuleha chanti muntu watama hakekala nawa mwokuku; mwalala wakakeñakeña hindi hadiñilañayi, hihakamwekanaku.”—Masamu 37:9, 10.

• 

  HIKWAKEKALA YIKATU, CHINEÑI, HELA KUFWAKU: ‘Henohu dihu hakatoneshawu mesu awamputamesu, dihu hakajikulawu matu awajika matu. Henohu dihu hakakilukayi mukwakubalakata neyi nkayi, niidimi dakamama dakemba tumina; muloña mwisaña mwawuma chawu mwakabuzika menji, mwikuna mwakabuzika tuloña.’—Isaya 35:5, 6.

  “Nzambi yomweni wakekala nawu . . . Wakayikombola madilu ejima kumesu awu; hikwakekala nawa cheñi kufwaku; hikwakekala nawa cheñi hela kuneña hela kudila hela kukataku. Yuma yakusambila yinahiti dehi.”—Chimwekeshu 21:3, 4.

Yehova hadi neyi Satana niandemoni atwambañaku. Yehova washikijaña yikaninu yindi yejima. (Luka 1:36, 37) Yehova wayikeña nawa wakeñaña nindi mwakashakami muParadisa yakaletayi. Dichi hanjekenu nawaYinsahu jaYehova kulonda mudiziluhu yuma yayivulu hawalala wasweja kuwaha wekala Mwizu daNzambi. Neyi muzatisha chalala muwumi wenu, mukafuma muwuduñu wantwambi, kupanda nikuyambashana. Mukuhita kwampinji, mukalubuka kufuma kuwuduñu wanshidi nikufwa. Neyi chahosheliyi Yesu nindi: “Mukwiluka nsañu yalala, ninsañu yalala yikuyifumisha muwuduñu.”—Yowanu 8:32.