MALWIHU AMUBAYIBOLU ANAYAKULI
Komana twamba kekalahu nanfulumendi yimu mukaayi kejima?
Indi nfulumendi yamukaayi kejima yinateli ñahi kunuñañesha antu akunyunza yejima? Isaya 32:1, 17; 54:13
Fwikijenu nfulumendi yimu yamukaayi chiyikahetesha antu. Makonu antu amavulu anakukabakana muloña hiyatuzweñi, ilaña amakwawu aheta. Ilaña nfulumendi yamukaayi kejima yeluka yuma yakeñañawu antu yakayinka yuma yakeñañawu. Munakutoñojoka nenu antu atela kutuña nfulumendi yamuchidiwu?—Tañenu Yeremiya 10:23.
Kufuma tuhu kumashiita, nfulumendi jinakañanyi kukwasha antu muyuma yayivulu, sweje-e atuzweñi. Jinfulumendi jikwawu jikweti wukatu. (Mukwakutaŋisha 4:1; 8:9) Nzambi Watwesha yejima nashiiki kuleta nfulumendi yakajiyisha jinfulumendi jejima. Nyuuli waniyi nfulumendi wakayihemba antu.—Tañenu Isaya 11:4; Danyeli 2:44.
Yumanyi Yikakoña Wanta waNzambi?
Yehova Nzambi wasakula Mwanindi, Yesu kwikala Nyuuli wunateli kuyuula kaayi kejima. (Luka 1:31-33) Hampinji yadiñayi hamaseki, Yesu wayikeñeli antu. Chineli diyi Mwanta, wakanuñañesha antu ejima nawa wakayamwina antu kumakabi ejima.—Tañenu Masamu 72:8, 12-14.
Komana antu ejima amwitejaña Yesu kwikala Nyuuli? Inehi. Ilaña Yehova wadiwunjika. (2 Petulu 3:9) Nakuyinka antu mpinji kulonda amwiteji Yesu kwikala Nyuuli. Katataka Yesu yafumishuhu antu atama nakuleta kuwunda nikumwena mukaayi kejima.—Tañenu Mika 4:3, 4.