Chikasha Chamalwihu

◼ Komana chachiwahi kwikala nayenda hela yuma yikwawu yakuwaninamu mali kulonda kukwasha chipompelu?

Mazanvu ansakililu diwu avula kunyamuna yuma yakuwaninamu mali, chidi neyi kulandisha yakudya hela yuma yikwawu, nikwila yidika. Hela chakwila amakwawu akutoñojoka nawu kwila mwenimu chatama wanyi, mali afumaña muyumiyi himuchidi wakulomba-lomba. A Yinsahu jaYehova hiyatambulaña wukwashu wamali munjila yamuchidiwuku.

Chibaba chamuchiyedi chaKaposhi Kakutalila kawundeli, kamuAugust 1879, chahosheli ñane kutalisha hakukaana kwimbujola yipompelu nikulomba-lomba mali: “‘Zion’s Watch Tower’ yikweti, twakuhwelela mudi YEHOVA neyi diyi nkwashi yayu, nawa kushinshika hamuloñiwu, hiyakalomba hela kulembelela antu nawu ayikwashuku. Neyi Yena wahoshaña nindi: ‘Wuru nisiliva yejima yamumpidi yami,’ dichi yakañanya kuhana mali anakukeñeka, twakeluka netu himpinji yakuleka kusoneka nyikanda.”

Tukutwalekahu kulondela lushimbi lwamuNsona lwakwila nawu: “Antu ejima atoñojoki chachiwahi munyichima yawu hamuntu hamuntu, ahani chakadi kuneña hela ku[yi]kanjikija; muloña Nzambi wakeña muntu wahanaña nakuseha.” (2 Kor. 9:7) MuMatala aWanta mwekala yikasha yamawaana kulonda antu ahani yawaana chakudikeñela neyi anakeñi. (2 Anya. 12:9) Yawaana hiyayilombañaku; cheñi nawa hiyayihanaña nayitoñojoka yakutambwilamu chuma chikwawuku.—Talenu cheñi Chikasha chaMalwihu muMudimu Wetu waWanta waCibemba waJanuary 2000.