Tambwilenu Kufumba Kwakuwahi

Hamulungu, August 6, 2006, dadiña ifuku damanishiluwu Shikola yaKudiza Mudimu wawuNkoñi yawaeluda niankoñi akuzatila 24 yanaambala 33.

Shikola yeniyi yawejelañaku wuswa wakulombola mudimu wakushimwina, kukalakala mumudimu wakubiña anyikoku, nikutañisha muchipompelu. Munyilungu yejima yitanu nayisatu yakudiza, atudizi adizaña chikupu Bayibolu. Adizaña yuma yayivulu nankashi yatañishaña Bayibolu cheñi nikutala hanyidimu yakubiña ninshimbi jakulondela hakumanisha kukala munshakaminu yawiniKristu. Cheñi nawa adizaña chatañishaña Nsona kutalisha hawunlomboli, wunsompeshi, ninsañu jamukuloñesha. Atambwilaña kufumba kwakuwahi kwakuhosha kudi antu amavulu, nawa ayikwashaña hamuntu hamuntu kulonda kukulilaku lwakuspiritu.

Hakupompa kwañinza, ankoñi ankambi ahumañanaña nawaeluda niankoñi akuzatila ajiki adi nayaaka hakachi ka 23 na 50 anakudikeñela kufumbewa kudi Yehova hadi tukweji tuyedi. (Mika. 4:1, 2) Toñojokenu haniyi nsañu nikulombelahu neyi munakukeña kutambwila iku kufumba kwakuwahi kulonda mukekali ‘nedimi dawalejewaña’ dikukwashaku amakwawu.—Isa. 50:4.

Hampinji yapulintileñawu wunu Mudimu Wetu waWanta, kwadiñi Shikola yaKudiza Mudimu wawuNkoñi yanaambala 34.