The Bible—A Book of Fact and Prophecy

Mankind’s Oldest Modern Book hichibalu chatachi chajividiyo jisatu jekala muDVD yinakwila nawu Bible—A Book of Fact and Prophecy. Hanyima yakutala iyi vidiyo, akulenu awa malwihu analondeluhu:

(1) Indi Bayibolu yaditeja nasayansi yamakonu mujinjilanyi? (2) Tunateli kwiluka ñahi chikupu netu jiBayibolu jetu jamakonu ajisoneka muwalala kwesekeja nanyivuñilu yasonekeluwu hakusambila? (3) Chumanyi chadimena munsona yajimanyusikiliputi jakushankulu jaBayibolu? (4) Mujinjilanyi aJohn Wycliffe, Johannes Gutenberg, William Tyndale, John Hus, Martin Luther, Casiodoro De Reina, niCharles Taze Russell mwakwashililuwu kutandisha Izu daNzambi kunyeñumuka kaayi kejima, nawa chaachi yadimbulwili ñahi Bayibolu? (5) Indi kufumba kwakuwahi kwamuBayibolu kunakwashi ñahi antu kuumika kukala kwayikatu (Mas. 34:8), yisela yalwisu (1 Tim. 6:9, 10) kudaambula mumaluwi niwuvumbi (1 Kor. 13:4, 5; Efwes. 5:28-33), nikusweja kutoñojokaña hamaheta akumujimba (Mat. 16:26)? (6) Wunsahwinyi wunakumwekesha nawu neyi muntu yazatisha nshimbi jamuNsona nateli kushinda yililu yakuhela nyunza nimuchidi wamuntu nichaambu chekowa (Luka 10:27)? (7) Indi kwovwahila nshimbi jamuBayibolu kunayileñeli ñahi kwikala namuzañalu chikupu? (8) Munateli kuzatisha ñahi iyi vidiyo kulonda kukwashaku antu amakwawu?—Talenu Mudimu Wetu waWanta waChibemba, February 2006, ifu 8.