“Maora Añahi Inatela Kuchinda?”

Komana mwadihulahu dehi ilu lwihu? Nshimbi jitwatela kulondela jekala mumukanda waAbaiteyanya, hamafu 86-87. Nshimbi yikwawu ayisonekaña mumpinji mumpinji, chidi neyi muChikasha chaMalwihu muMudimu Wetu waWanta waSeptember 2008. Chineli yuma yekala yashiyashana, hiyatwinka ndandanda yanshimbi yitwatela kulondelaku. Aeluda hela antu amakwawu hiyatela kutuña nshimbi jikwawuku.

Neyi mujinoka nawa kwosi nshimbi jasonekawu jahosha chikupu haniyi nsañu, mukwakushimwina wudi wejima watela kudihula nindi: Komana iyi mpinji nayizatishili mumudimu wakushimwina, tahindi nayizatishili kuyuma yacheñi? Maora itwasonekaña halipoti yamudimu wamwiha kakweji nikakweji atela kutuzañalesha bayi kutuneñeshaku. (Yil 23:1) Hela chochu, bayi neyi twalamesha kuchinda maoraku, ilaña twalemesha mpinji yitwakalakalaña mumudimu wakushimwina.—Heb. 6:11.