Young People Ask—What Will I Do With My Life? (Chibalu 1)
Atwansi chakulawu atela kufuukulahu yuma yalema. Hakwila ayikwashi kufuukulahu chiwahi, anayiloñesheli vidiyo yaYoung People Ask—What Will I Do With My Life? Kumatachikilu yavidiyo tondenu mutu wunakwila nawu Play Drama, kuhiñahu shinshikenu neyi munateli kwakula malwihu adi muparakalafu 2. Kufumahu tondenu mutu wunakwila nawu Interviews kuhiñahu tondenu Looking Back, nawa esekenu kwakula malwihu adi muparakalafu 3.
Drama: (1) Munjilanyi mutukuhoshela netu yuma yamweniyi Timotewu yinesekani nayuma yinakumonawu atwansi akwaKristu amavulu makonu? (2) Indi Andre amukakejeli ñahi kuzata chiwahi muyisela yakutemuka lufuchi? (3) Indi Mana kwetu Fleissig wamulejeli Andre chumanyi (a) kutalisha hakudihana kudi Yehova nikuyisela? (Mat. 6:24) (b) kutalisha hachuma chaletaña muzañalu walala? (c) kutalisha hachuma chanukañayi hacheña chindi chafuminiyi nachu muchilombu chakuyandishila? (d) kutalisha hadi antu adi hamwevulu hadi yena niñodindi? (e) hakuhimpa yikonkwanyi yindi neyi chakwila waditoñesheli? (Fwi. 3:8) (4) Indi nkaaka yaAndre wamumbanda wakwili ñahi lwihu lwehwiliyi nindi, “Komana chatama neyi nikala mukwakutemuka lufuchi waya mpuhu?” (Luka 4:5-7) (5) Komana kushiyamu akwawu hakutemuka lufuchi kwamuleteleleña Andre muzañalu walala? (6) Chumanyi chayizañalesha kutalisha hamukanda wakukumishaku wamusonekeleluwu Andre kudi Mana kwetu Fleissig? (Yish. 10:22) (7) Indi Mana kwetu Fleissig wamukwashili Andre kwiluka yumanyi?
Looking Back: (8) Nyidimwinyi yazatileña mana kwetu nimuhela, nawa muloñadi? (9) Ayili ñahi hambidi munyidimu yawu? (10) Chumanyi chayileñeleli wejima wawu kuhimpa nyidimu yawu? (2 Kor. 5:15) (11) Nyidimwinyi yateokalatiki yatachikiluwu kuzata, nawa muloñadi chatoñojokeluwu nawu hiyakutwesha kuzata nyidimu yejima yiyeduku? (12) Komana aditoñeshaña hamuloña wakuhimpa nyidimu yawu muchihandilu? (13) Yumanyi yahosheluwu yinakuleñeli wutoñojokuhu chikupu chiwatela kwila muchihandilu cheyi?
Mwani talenu kwihujola kukwawu ninsañu yikwawu nawa loñeshenu kulonda mwakahoshuhu hampinji yimwakadizaña haKupompa kwaMudimu mulungu wunakwinza.