Chakwila

Hakutachika Kudizisha Antu Bayibolu Mposu Yatachi

“Antu amavulu akuhwelela nawu ifuku dimu Nzambi wakayisompesha kwesekeja nayuma yakoñañawu. Munakutoñojoka nenu Ifuku daKusompesha hifuku ditwatela kutalila tahindi ditwatela kuchiina? [Mulekenu yaakuli.] Talenu chinahoshi iyi magazini.” Mwinkenu mwiniitala Kaposhi Kakutalila kaOctober–December, nawa tañilenu hamu nsañu yidi hakamutu kanyanya katachi kadi hefu 16 ninsona yimu. Mwinkenu magazini nawa loñeshenu kulonda mwakafuntiluku nakwakula lwihu lunalondeluhu.

Kaposhi Kakutalila October–December

Tañenu Masamu 65:2. Kufumahu hoshenu nenu: “Antu amavulu etejaña nawu Nzambi ‘himukwakutiya mwalombañawu antu’ nawa alombaña mafuku ejima. Ilaña amakwawu ajinokaña nawu, ‘Neyi Nzambi wekala kwoku, muloñadi mukaayi chimwaswejela makabi?’ Indenu mwatoñojokaña nenudi? Komana kwekala Nzambi watiyaña mutwalombaña? [Mulekenu yaakuli.] Iyi magazini yinakuhosha hañakwilu yamuBayibolu yanilu lwihu: ‘Mukwakutiya mwalombañawu antu wetejeladi makabi?’”

Awake! November

“Tunakushimwina dalelu kulonda tukwashi yisaka. Anvwali ajiki anavuliluku makonu. Munakutoñojoka nenu amonaña kukala kubadika kwamonaña yisaka mwekala anvwali ejima ayedi? [Mulekenu yaakuli.] Anvwali amavulu awana kufumba kwakuwahi muBayibolu. [Tañenu 2 Timotewu 3:16.] Iyi magazini yinakushimuna njila jatela kukwasha anvwali ajiki hakwila azati chiwahi mudimu wawu wakala.”