Ndandanda yaMulungu waMay 6
MULUNGU WAKUTACHIKA MAY 6
Kamina 26 niKulomba
□ Kudiza Bayibolu haChipompelu:
lv kape. 9 ¶1-12 nichikasha chidi hefu 101 (Jimin. 30)
□ Shikola yaMudimu waTeokalatiki:
Kutaña Bayibolu: Yowanu 1-4 (Jimin. 10)
Na. 1: Yowanu 3:22-36 (Jimin. 4 hela kufunta mwishina)
Na. 2: Indi ‘Kwenda Chakutwendesha Kudi Spiritu’ Kwalumbulukadi?—Ŋal. 5:16 (Jimin. 5)
Na. 3: Munjilanyi Kufwa kwaYesu Kristu Chikwambukaku Nakufwa Kwawantu Ajahañawu haNsañu yaNsakililu?—bh ifu 5 mapara. 10-11 (Jimin. 5)
□ Kupompa kwaMudimu:
Jimin. 10: Yuma Yimukwila Hakuhana Magazini muMay. Kuhanjeka. Hanjekenu hamagazini hadi jisekondi 30 nakushika ku 60 kulonda mushimuni muloña wuyatelela kuleta ikoku kudi antu amwiluña denu. Kufumahu, zatishenu mutu wudi hefu datachi daKaposhi Kakutalila, ilenu izaza dishimuni jinjila jatela kuzatishawu hakwihula lwihu lwatela kusañumuna mpwila yawantu nijinsona jatela kutañawu. Dichimwatela kwila naAwake! nawa neyi kudi mpinji, zatishenu njila yoyimu hakuhosha hachibaaba chikwawu mumagazini yidi yejima. Mwekeshenu chimwatela kuhana magazini ejima.
Jimin. 10: Kukaankila kwahenu.
Jimin. 10: Chiña Yehova Atuña Itala, Neyi Nehi, Akutuña Akukabakana Tuhu. (Mas. 127:1) Mpanji yikufuma muMudimu Wetu waWanta waDecember 2007, mafu 3-5. Shimunenu nenu chili tukweti wuswa washiyashana munsañu yakuhana, tunateli kwiluka netu neyi tuhimpa njila yitwazatishilañamu mali, tunateli kukwasha chikupu mudimu wamukaayi kejima niwakutuña Matala aWanta. Neyi kudi mpinji, shimunenu yuma yamwekeni yakundama kumudimu wakutuña Matala aWanta mwiluña denu.
Kamina 47 niKulomba