Chakwila

Hakutachika Kudizisha Antu Bayibolu Mposu Yatachi muDecember

“Tunakwendela antuñi netu hakapinji kantesha kulonda tuhanjeki hanfulumendi yayiwahi. Komana mwamonaña nenu nfulumendi yidi yejima yinateli kufumishahu kukala kudi neyi madombu nikuheñesha wuñaji?” Mulekenu yaakuli. Mwanukishenu mwiniitala nenu Mukulomba kwaMwanta,Yesu walejeli atumbanji twindi kulomba iyi nfulumendi, Wanta waNzambi kwinza. Mulejenu nsañu yindi hefu dakunyima yaKaposhi Kakutalila kaNovember-December, nawa hanjekenu nsañu yindi halwihu lwatachi ninsona yimu yinatenuwu. Mwinkenu magazini nawa tiyañanenu kulonda mwakafuntiluku nakuhanjeka halwihu lunalondeluhu.

Kaposhi Kakutalila November–December

“Munakutoñojoka nenu antu akakisañana iseki haya nyaka? [Mulekenu yaakuli.] Hela chakwila antu hiyanateli kuwahisha iseki diyanakisañaniwuku, Bayibolu yatulejaña nawu Nzambi nateli nawa wafwilaña kudiwahisha. Twakuhwelela chumichi muloña wamazu itwatañaña hamukanda waMasamu 65:9. [Tañenu.] Aka Kaposhi Kakutalila kanakuhosha hayuma yikelayi Nzambi hakuwahisha iseki nichitunateli kudiluñisha nkisu yakumbidi. Mukwiteja niyinki.”

Awake! December

“Tunakwendela antuñi netu nakuhanjeka nawu hachikatu chinakumonawu antu amavulu. Mutayi waWorld Health Organization wahosheli nawu muntu wumu hadi antu awana wakakata chikatu chamuyitoñojoka chidi neyi kuneña. Mwalala munakumona nenu yikatu yamuyitoñojoka yinakuswejelaku? [Mulekenu yaakuli.] Bayibolu yatulejaña nawu chihandilu kumbidi chikawaha muloña yikatu yejima yikamana. [Tañenu Chimwekeshu 21:3, 4.] Yinu Magazini yinakulumbulula yuma yantesha yitwatela kwiluka wejima wetu kutalisha hayikatu yamuyitoñojoka.”